Хаартыска: СӨ Аҕа баһылыгын уонна бырабыыталыстыбатын пресс-сулууспата
Ил Дархан Айсен Николаев “Искусственнай интеллект эйгэтигэр айан” норуоттар икки ардыларынааҕы кэмпириэнсийэҕэ кыттыыны ылла.
Суолталаах тэрээһиҥҥэ Арассыыйа, Кытай, Арабскай Эмираттар, Индия уонна Индонезия биисинэһин бэрэстэбиитэллэрэ түмүстүлэр. Кэмпириэнсийэҕэ анал быыстапка бэлэмнэммит, онно араас үрдүк технологиялаах саҥаны айар сонун сүүрээннэр көрдөрүллүбүттэр.
Кэмпириэнсийэ аһыллыытыгар Арассыыйа бэрэсидьиэнэ Владимир Путин кыттыыны ылла. Судаарыстыба Аҕа баһылыга 13 дойду араас салаалар ассоциацияларын түмэр искусственнай интеллект норуоттар икки ардыларынааҕы үлэтигэр тахсыылаах үлэни баҕарда. “Аныгы технология сонун сүүрээннэрэ дойдуга экэниэмикэ уонна социальнай салаа, инновация сайдыыларыгар, көмүскэнэр кыах бөҕөргөтүүрүгэр, судаарыстыбаннай салайыыга улахан суолталаахтар. Бу боппуростары ситиһиилээхтик быһаарар туһугар, Арассыыйаҕа искусственнай интеллект олохпут бары эйгэтигэр инники күөҥҥэ тахсыахтаах», — диэн бэлиэтээтэ дойду баһылыга.
Кэмпириэнсийэ бастакы күнүн туһунан санаатын үллэстэригэр Ил Дархан Айсен Николаев өрөспүүбүлүкэҕэ искусственнай интеллеккэ олоҕурбут бырайыактар ситиһиилээхтик сайдан иһэллэрин бэлиэтээтэ. Чуолаан, кини искусственнай интеллект технологияларын сайыннарыыга анаммыт быыстапкаҕа эрэгийиэннэргэ олоххо киирбит бырайыактарга анаммыт икки истиэндэттэн биирдэстэрэ Саха сирэ туһунан буоларын бэлиэтээтэ. Ол курдук, өрөспүүбүлүкэҕэ Сбербаан өйөбүлүнэн “Оскуола 21” инновационнай бырайыак ситиһиилээхтик үлэлиир. Манна сааһыттан тутулуга суох дьон аныгы цифровой үйэҕэ наадалаах үөрүйэхтэри босхо үөрэнэн баһылыахтарын сөп. Маны таһынан, Искусственнай интеллект лабораторията тэриллэн, кэскиллээх сайдыыга улахан суолталаах хардыынан буолбута. Ил Дархан Айсен Николаев Саха сиригэр кэккэ бырайыактар бу салааҕа олоххо киирэн эрэллэрин бэлиэтиир тоҕоостооҕун ыйда.
Өрөспүүбүлүкэ оскуолаларыгар үөрэх дьыла саҕаланара бу кэллэ. Үөрэхтэн, оскуолаттан сайын устата тэйэ быһыытыйбыт оҕолор саҥа…
Дьокуускайга бүгүн, атырдьах ыйын 30 күнүгэр, аан бастакытын 100 км сүүрүүгэ Арассыыйа чөмпүйэнээтэ ыытылынна. Дьахталларга…
Саха сиригэр 2025 сыл балаҕан ыйын 1 күнүттэн 629 уопсай үөрэхтээһин тэрилтэтэ үлэтин саҕалыаҕа. 152…
Арассыыйаҕа, ол иһигэр Саха Өрөспүүбүлүкэтигэр, социальнай өттүнэн харысхала суох нэһилиэнньэни өйөөһүн — судаарыстыба сүрүн соруктарыттан биирдэстэрэ.…
Дьокуускай куоракка полиция 1 отделын дьуһуурунай чааһыгар чааһынай дьиэтиттэн малын-салын уордарбыт олохтоох киһиттэн сайабылыанньа киирбит.…
Максим Васильев - Дьокуускай куорат 39 нүөмэрдээх оскуолатын бастыҥ үөрэнээччитэ. Бу сотору сэттис кылааска үөрэнэ…