Истириэһи аччатар сүбэлэр

Киһи күннээҕи олоҕор кыра-кыра истириэһи элбэхтэ көрсүөн сөп. Маҕаһыыҥҥа уочараттан саҕалаан билбэт дьоҥҥун кытта киҥир-хаҥыр саҥарсыыга тиийэ буолуон сөп. Ол эрээри ис туруга бөҕө киһи манныкка бэриммэт дииллэр уйулҕа үлэһиттэрэ. Ис дьиҥэр, истириэһэ суох киһи суох.

Истириэһи түргэнник аһарар сүбэлэри бэлэмнээтибит:

— күҥҥэ 10 тыһыынча хардыыны хаамп. Бу кыаллыбатаҕына, саатар 20 мүнүүтэ салгынна сиэ;

— күҥҥэ 30 мүнүүтэ кинигэтэ аах. Киһи мэйиитэ хайаан да үлэлиэхтээх. Бэйэни тургутарга бу саамай туһалаах дьарык;

— сөбүлүүр ырыаҕын, муусукаҕын иһит;

— илиигинэн ону-маны оҥорорго үөрэн. Оҕуруота тис, быысапкалаа, уруһуйдаа эбэтэр аста астаа;

— киэһэ утуйуоҥ иннинэ үчүгэйи санаа. Бэйэ санаатын көтөҕөр үтүө түгэннэри санааһын олус көмөлөһөр.