Историческай факультекка магистратура икки саҥа хайысхата аһылынна

Историческай факультекка быйыл түөрт хайысханан магистратураҕа ыларга бэлэмнэр.

Талар хамыыһыйа эппиэттиир сэкирэтээрэ Саргылаана Атласова иһитиннэрбитинэн, бу түөрт хайысхаттан иккитэ быйыл аһылынна: “Арассыыйа Арктикатын хотугулуу-илиҥҥи өттүн баһылааһын устуоруйата” — бу Арктиканы баһылааһын уонна чинчийии тирээн турар проблемаларыгар аналлаах бырагыраама  уонна “Устуоруйа. Устуоруйа-култуурунай нэһилиэстибэ: технологиялар гипермедиалара” саҥа инновационнай технологиялары баһылаан, сыыппараҕа киллэрэн устуорукка көмөлөһөр бырагыраама. Маны таһынан патриотическай иитиигэ араас тэрээһини ыытар учууталларга аналлаах “Арассыыйаҕа гражданскай үөрэхтээһин” диэн бырагыраама баар. Бүддьүөт миэстэлээхтэр”.

Бу икки сыллаах күнүскү үөрэх, ол эрээри үксүн үлэлиир дьон киирэллэрин быһыытынан сөптөөх график  оҥоһуллар.