Хаартыска -- Елена Потоцкая түһэриитэ.
Сэтинньи 15 күнүттэн “Арассыыйа – мин устуоруйам” историческай пааркаҕа “Золото рядом” быыстапка үлэтин саҕалыаҕа.
Тэрээһин Арассыыйаҕа көмүһү хостооһун лиидэрэ «Полюс» хампаанньа уонна Москватааҕы Политехническай түмэл холбоһуктаах бырайыактарынан буолар. Быыстапка сыала-соруга – көмүс хостооһунун устуоруйатын үйэтитии, үрдүк технология кэлиҥҥи ситиһиилэрин сырдатыы.
Түгэнинэн туһанан, «Якутзолото» тэрилтэ генеральнай дириэктэрэ, Социалистическай Үлэ Дьоруойа, Саха сиригэр көмүс хостооһунун аҕалаатар аҕата Тарас Десяткин хаан-уруу аймаҕа, биологическай наука доктора Роман Десяткин “Арассыыйа – мин устуоруйам” историческай паарка салайааччыта Дмитрий Соловьевка Саха сиригэр көмүс хостооһунун сайдыытыгар анаммыт кинигэлэри бэлэхтээтэ.
Быыстапканы арыйыыга Саха сиригэр көмүс хостооһунун бэтэрээннэрэ, салайааччылар, суруналыыстар сылдьан, көмүс хостооһунун устуоруйатын кытта билистилэр.
“Золото рядом” быыстапка аһыллыытын кыһыл лиэнтэтин СӨ бырамыысыланнаска миниистирэ Максим Терещенко, историческай паарка салайааччыта Дмитрий Соловьев, «Полюс» хампаанньа уонна Москватааҕы Политехническай түмэлин бэрэстэбиитэллэрэ быстылар.
Сарсыҥҥыттан үлэлиир быыстапка идэҕэ туһаайыы чэрчитинэн үлэлиэҕэ. Оскуола үөрэнээччилэрэ уонна устудьуоннар көмүс хостооччулар үлэлэрин кытта чугастык билсиэхтэрэ.
“Золото рядом” диэн быыстапка Саха сиригэр кыһыл көмүс хостуур бырамыысыланнас 100 сыллаах үбүлүөйүн чэрчитинэн тэрилиннэ.
Санкт-Петербургтааҕы судаарыстыбаннай университекка «Социальнай архитектура: социальнай уларыйыылар теориялара уонна быраактыкалара» норуоттар икки ардыларынааҕы научнай-практическай кэмпириэнсийэ…
Ахсынньы 10-12 күннэригэр Саха сиригэр “Мин төрөөбүт дойдум – Арассыыйа күүһэ” дойду үрдүнэн ыытылар III…
«Оливье» салаат, саарбаҕа суох, Саҥа дьыллааҕы остуолга саамай биллэр уонна тапталлаах бүлүүдэнэн буолар. Тас дойдуларга…
Саха сирин сүүмэрдэммит хамаандатын бастыҥ күрэсчитэ Павел Васильев (48 кг диэри) боксаҕа «Ньиэптээх дойдулар Аан…
Арассыыйаҕа Ийэ күнүнэн ахсынньы 6 күнүгэр Смарт бибилэтиэкэҕэ Дьокуускай элбэх оҕолоох ийэлэрин сэбиэтин пуорума буолла.…
Арассыыйаҕа 2026 сылтан 60-тан тахса саҥа суол бэлиэтэ үлэҕэ киллэриллиэҕэ. Бу туһунан юрист Елена Браун…