Хаартыска: sakha.gov.ru
СӨ Бырабыыталыстыбатын бэрэссэдээтэлин солбуйааччы Сергей Местников Историктар уонна кыраайы үөрэтээччилэр сойуустарын бастакы уопсастыбаннай бириэмийэлэрин туттарда.
Тэрээһин бүгүн, муус устар 5 күнүгэр, СӨ историктарын уонна кыраайы үөрэтээччилэрин IV билим-практическай кэмпэриэнсийэлэрин кэмигэр буолла.
Сергей Местников Егор Спиридонович Шишигин аатынан СӨ историктарын уонна кыраайы үөрэтээччилэрин сойууһун уопсастыбаннай бириэмийэлэрин Сэһэн Ардьакыап аатынан Уус Алданнааҕы устуоруйа-кыраайы үөрэтэр түмэл дириэктэригэр Павел Пермяковка туттарда.
Егор Дмитриевич Андросов аатынан уопсастыбаннай бириэмийэ лауреатынан А.Е.Мординов аатынан Тааттатааҕы лиссиэй дириэктэрэ Изабелла Сивцева буолла.
Үөһээ Бүлүү историктарын, кыраайы үөрэтээччилэрин уопсастыбатын салайааччыта Бурхалей Макаров Георгий Евгеньевич Федоров аатынан Историктар уонна кыраайы үөрэтээччилэр сойуустарын бириэмийэтинэн наҕараадаланна.
Сергей Местников биллиилээх суруналыыс, энтузиаст Владимир Степанов салайар Сойууһун үлэтин үрдүктүк сыаналаата. Бу сылтан Сойуус чилиэннэрэ үлэлэрин өссө кэҥэтэр, ол иһигэр улуустарга сырдатар-иһитиннэрэр былааннаах бараары сылдьаллар.
Быйыл Сойуус IV билим-практическай кэмпэриэнсийэтин ыытар. Тэрээһин Кыайыы 80 сылыгар ананар. Пленарнай мунньахха сэрии сылларыгар Дьокуускай Кыайыы туһугар киллэрбит кылаатын, төһө киһини сүтэрбиппитин ааҕыы ньыматын, XVII үйэҕэ саха кинээстэрин, о.д.а. тиэмэлээх дакылааттары иһиттилэр.
Күн иккис аҥарыгар Саха сирин устуоруйатынан сиэксийэлэр мунньахтара буоллулар. Сарсын кэмпэриэнсийэ түмүгэ тахсыаҕааа, төгүрүк остуол ыытыллыаҕа. Бу туһунан Ил Дархан, бырабыыталыстыба пресс-сулууспата иһитиннэрэр.
Санкт-Петербурга түмэл устун робот-ыты күүлэйдэтэр үлэҕэ ыҥырбыттар. Хамнаһа ыйга 100 тыһ. солк. үһү. Ирдэбилэ –…
Хара санаалаахтар сокуоннай саастарын туола илик оҕолору кытта социальнай ситимнэргэ эбэтэр оонньуур бөлөхтөргө бииргэ сылдьан…
Ювелир-маастардар Арассыыйа устуоруйатыгар саамай улахан бриллианы кырыылаан бүтэрдилэр. Бу туһунан «Алроса» хампаанньа пресс-сулууспата иһитиннэрэр. Сэдэх…
Чурапчы улууһун Хоптоҕо нэһилиэгэр муус устар 4 күнүгэр СӨ култууратын туйгуна, А.В. Посельская аатынан…
Ил Дархан Ил Түмэҥҥэ Туһаайан этиитигэр байыаннай дьайыы кыттыылаахтарыгар, кинилэр дьиэ кэргэттэригэр уопсастыбаннас улахан көмөнү…
Саха ыалын сиэрэ-туома. Итэҕэл быһыытынан, дьиэ Айыы аартыга аһыллар сиринэн, илин диэкинэн, ааннанар. Дьиэ тутуутун сүрүн…