История уонна физика эксээмэнин үс оҕо 97 баалга туттарда

Бүгүн историяҕа уонна физикаҕа Биир кэлим эксээмэн түмүктэрэ билиннилэр. Саха сиригэр историяны 833, оттон физиканы 683 үөрэнээччи туттарбыта. Бу биридимиэттэргэ саамай үрдүк баал — 97 баал буолла.

Ол курдук, 97 баалга историяны Ленскай куорат 3 нүөмэрдээх оскуолатын уонна Дьокуускай куорат № 33 оскуолатын үөрэнээччилэрэ туттардылар. 134 оҕо эксээмэни 70 уонна онтон үрдүк баалга суруйда.

Физикаҕа 97 баалы Дьокуускай куорат 31 нүөмэрдээх оскуола үөрэнээччитэ ылла. 70 уонна онтон үрдүк баалга 67 үөрэнээччи туттарда.