IТ-хампаанньалар үлэһиттэрин сааскы ыҥырыыга баралларын уһатыыга сайаапкалары ылыы “Госөҥөнөн” тохсунньу 23 күнүттэн саҕаланыаҕа диэн Цифровой сайдыыга министиэристибэтэ Телеграм-ханаалыгар иһитиннэрдэ.
Маннык сайабылыанньалары биэрии быраабылата уларыйбытын туһунан чопчулаатылар. Ол эбэтэр бэйэтин туһунан иһитиннэриини үлэһит бэйэтэ толоруоҕа. Министиэристибэ гражданнар олунньу 6 күнүгэр диэри болдьоххо сайабылыанньа биэриэхтээхтэрин эттэ. Өскөтүн үлэһит “Госөҥөҕө” “тус кэбиниэтэ” суох түгэнигэр кинилэри хампаанньа бэйэтэ испииһэккэ киллэриэхтээх.
Биир тэрилтэттэн хас да испииһэк бэриллиэн сөп. Цифровой сайдыыга министиэристибэ ону кулун тутар 1 күнүгэр диэри Оборуона министиэристибэтигэр тиэрдиэхтээх. Ыҥырар (призывной) хамыыһыйа отсрочка туһунан быһаарыыны муус устар 1 күнүттэн от ыйын 15 күнүгэр диэри ылыныахтаах.
Ыҥырыынан баралларын уһатыыга үлэ дуогабарынан үлэлиир 18-тан 27 саастарыгар диэри идэлэринэн “отсрочка” испииһэгэр киирэр үрдүк үөрэхтээх уонна акредитациялаах, IТ-хампаанньаҕа 11 ыйтан кырата суох кэмҥэ 2022 сыл муус устар 1 күнүттэн 2023 сыл кулун тутар 31 күнүгэр диэри үлэлээбиттэр хабыллаллар. Кыра ыстаастаах буоллаҕына, үлэни биэрээччи бу киһи үөрэҕин бүтэрээт даҕаны сыл устата үлэҕэ киирбит буолуохтааҕын чопчулуохтаах.
IТ-исписэлиистэр суһал сулууспаҕа баралларын уһатан биэрии 2022 сыл кулун тутар ыйтан олоххо киирбитэ.
Нина Егоршева, “Российская газета” хаһыат
Хаартыска: тустаах хаһыаттан
Бүгүн, ахсынньы 12 күнүгэр, 202-с түөлбэҕэ саҥа элбэх функциялаах ыччат "Патриот" киинигэр өрөспүүбүлүкэ ыччатын түмүктүүр…
Саха сирин үөрэҕин систиэмэтигэр суолталаах тэрээһинэн буолбут “Сыл учуутала” өрөспүүбүлүкэтээҕи 34-с төгүлүн ыытыллар күөн күрэс…
1941-45 сыллардааҕы Аҕа дойду сэриитигэр Сэбиэскэй норуот кыайыытынан түмүктэммитэ 80 сылынан, Арассыыйаҕа Аҕа дойдуну көмүскээччитин,…
Өрөспүүбүлүкэтээҕи медиа-кииҥҥэ ГТРК «Саха» 20 сыллаах үбүлүөйүгэр анаммыт үөрүүлээх киэһэ буолан ааста. Бу туһунан ЯСИА…
И.Н. Егоров – Горнай аатынан хараҕынан мөлтөхтүк көрөр уонна көрбөттөргө аналлaах өрөспүүбүлүкэтээҕи анал бибилэтиэкэ «Брайль…
Дьокуускайга “Малая родина – Сила России” Бүтүн Арассыыйатааҕы III муниципальнай пуорум сиэссийэтэ түмүктэннэ. Тэрээһин түмүгүнэн…