IT-исписэлиистэртэн аармыйаттан босхолонууга сайаапкалары хомуйуу саҕаланна

Бу сыл олунньу 2 күнүттэн ИТ-исписэлиистэр «Госуслуги» портаалга 2026 сылга аармыйаттан босхолонууга сайабылыанньа биэриэхтэрин сөп.

Исписэлиис сайабылыанньатын ыыппытын кэннэ, үлэ биэрээччи тус кабинетыгар көрүөҕэ, уонна дааннайдар сөпкө ыйыллыбыт буоллахтарына, бигэргэтиэҕэ. Үлэһит бэйэтэ дааннайдарын ыыппатах түгэнигэр, аармыйаттан босхолонуу испииһэгэр тэрилтэтэ киллэриэн сөп.

Испииһэктэр хайдах бэриллэллэрий:

* Хампаанньа үлэһиттэрин дааннайдарын бэрэбиэркэлиэхтээх уонна бигэргэтиэхтээх, онтон «Госуслуги» нөҥүө испииһэктэри Сыыппара сайдыытын министиэристибэтигэр ыытыахтаах. Биир тэрилтэттэн испииһэктэр оҥоһуллан истэхтэрин аайы хас даҕаны ыытыллыан сөп.

* Сыыппара сайдыытын министиэристибэтэ иһитиннэриини Оборуона министиэристибэтигэр тиэрдиэҕэ. Онтон болдьоҕу көһөрүү туһунан быһаарыыны анал хамыыһыйа ылынар.
Хампаанньалар испииһэктэри эрдэттэн оҥорон биэриэхтээхтэр. Кулун тутар 1 күнүгэр диэри Сыыппара сайдыытын министиэристибэтэ бастакы испииһэктэри Оборуона министиэристибэтигэр ыытыаҕа.

Испииһэккэ киллэрии ирдэбиллэрэ:
* РФ гражданствота;
* Эр киһи;
* Сааһа — 18-тан 30-гар диэри;
* Үлэ дуогабарынан толору үлэ күнэ;
* Испииһэккэ киирбит идэтинэн үрдүк үөрэхтээх;
* Аккредитациялаах ИТ-хампаанньаларга  11 ыйтан (334 күн) итэҕэһэ суох үлэлээбит буолуохтаах. Ыстааска сыһыаннаах ирдэбил үрдүк үөрэҕи бүтэрэн баран сыл иһинэн үлэҕэ киирбит исписэлиистэргэ сыһыана суох.