Хаартыска: Мария Васильева, СИА.
IT-хампаанньалар үлэһиттэрэ быйыл күһүҥҥү аармыйаҕа ыҥырыыттан босхолонорго сайаапкалары «Госуслуги» портаал нөҥүө биэриэхтэрин сөп.
Сайаапканы балаҕан ыйын 1 күнүгэр диэри ыытыахха наада, оттон сулууспаттан босхолонуу туһунан быһаарыылар бу сыл алтынньы 1 күнүттэн ахсынньы 31 күнүгэр диэри ылыллыахтара. Бу туһунан РФ Сыыппараҕа сайдыы министиэристибэтэ бэйэтин официальнай саайтыгар санатта.
Үлэни биэрээччилэр үлэһит дааннайдарын бэрэбиэркэлиэхтээхтэр уонна тус кэбиниэккэ бигэргэтиэхтээхтэр. Өскөтүн сайаапка биэрээччи иһитиннэриини бэйэтэ ыыппатах түгэнигэр, хампаанньа кинини испииһэккэ киллэрэр бырааптаах.
Чэпчэтиинэн туһанарга ирдэбил маннык: РФ гражданствота, эр киһи 18-тан 30-гар диэри саастаах, толору үлэ күннээх үлэ дуогабара уонна бигэргэтиллибит испииһэктээх идэтинэн үрдүк үөрэхтээх буолуохтаах. Тэрилтэ атырдьах ыйын 11 күнүгэр диэри аккредитацияны ааспыт буолуохтаах, оттон сайаапка биэрээччи оннук хампаанньаҕа ыҥырыы саҕаланыан биир сыл инниттэн 11 ыйтан итэҕэһэ суох кэмҥэ үлэлээбит буолуохтаах.
Үрдүк үөрэҕи бүтэрэн, биир сыл иһинэн үлэҕэ киирбит выпускниктарга ыстаас туһунан быраабыла туһаныллыбат. Хампаанньалар үлэһиттэрин туһунан сибидиэнньэлэри бэрэбиэркэлээн, атырдьах ыйын 11 күнүгэр диэри испииһэктэри РФ Сыыппараҕа сайдыы министиэристибэтигэр «Госуслуги» портаал нөҥүө ыытар эбээһинэстээхтэр.
Ил Түмэн Бэрэссэдээтэлэ Алексей Еремеев салайааччылаах Саха сирин дэлэгээссийэтэ Луганскай Норуодунай Өрөспүүбүлүкэҕэ «Муниципальнай тэриллиилэргэ Ийэ…
Суорун Омоллоон аатынан Опера уонна балет тыйаатырын сүрүн артыыһа, умсугутуулаах уобарастары кыайа-хото тутар, опера артыыһын…
Саха омук мусукаалынай култууратыгар уһулуччулаах кылааты киллэрбит композиторбыт, Кэбээйи улууһуттан төрүттээх Захар Степанов төрөөбүтэ 95…
Саха сирин олохтоохторо уонна улуус дьаһалталара байыаннай дьайыыга сылдьар биир дойдулаахтарыгар өрүү көмөлөһөллөр. Бу өйөбүл…
«Тута» позывнойдаах Арассыыйа Дьоруойун Андрей Григорьевы СӨ мас-рестлиҥҥэ федерациятын бочуоттаах чилиэнинэн уонна вице-бэрэсидьиэнинэн таллылар. Дастабырыанньаны…
Бу сыл сааскы-сайынҥы кэмигэр «Нерюнгри аэропорда» филиалга саҥа маршрут арыллар диэн СӨ Тырааныспарга уонна суол…