Австралияттан итальянец Томас Хоточчуга ыалдьыттаата

Австралияттан Саха сирин биир кыракый дэриэбинэтин ыалын олоҕун-дьаһаҕын билсэр баҕа санаалаах итальянец Томас Хоточчуга мүччүргэннээх сырыыта түмүктэннэ. Ол курдук,  өҥ сирдээх Хаҥалас улууһун Хоточчутугар Австралия ыалдьытыгар тыа олоҕун кытта билиһиннэрдилэр.

Бу туһунан кэллиэгэбит Полина Николаева манна “Куораттан – дэриэбинэҕэ: пиэрмэр” медиа-бырайыагар иһитиннэрэр.

«Махтанабын барыгытыгар, наһаа үчүгэй», — диир. Бэҕэһээ балыктаан кэлээт, утуйбута. Бу сарсыарда 7 чааска туран, оҕуруокка хара буор таста уонна оҕус аттааһыныгар кыттыыны ылла. Бэтэринээрбит Татьяна английскайдыы оһуобайдык саҥарар буолан, барытын быһаарда. «Өйдөөтүм, дьикти эбит», — диир. Бастаан куттанар курдук ырааҕынан тэһииргии сылдьан баран, олох да көмөлөһөөччү буолла. Сүөһү туйахтарынан халадьыас оҥордубут — эмиэ аан бастаан көрөбүн, сиибин диир. Коллаген диэн быһаардым. Автостоп барабын диэн, биһиги хаһаайыстыбабыт үлэтин үмүрүтэн баран илдьиэхпит диэбиппитин, аккаастаата. Үөрэн-көтөн, махтал этэн, киирэн бара турда», — диэн Полина Николаева суруйар.