ЯСИА хаартыската.
Бүгүн, ахсынньы 16 күнүгэр Дьокуускай куорат национальнай гимназиятыгар оттук систиэмэтин турбата тоҕо баран, уол оҕо эмсэҕэлээбитэ. Тустаах түгэнинэн Үөрэх уонна билим министиэристибэтэ бу курдук иһитиннэрэр.
— Ахсынньы 16 күнүгэр Дьокуускай куорат национальнай гимназиятын сыгынньахтанар хоһугар (гардеробное) оттук систиэмэтин турбата тоҕо баран, 11-с кылаас үөрэнээччитэ эмсэҕэлээтэ. Уолу суһаллык Өрөспүүбүлүкэтээҕи 2-с нүөмэрдээх балыыһа салаатыгар илдьибиттэрэ, онно киниэхэ 3-с истиэпэннээх итиигэ сиэтии диагноһы туруоран, мэдиссиинэ туох баар ирдэнэр көмөтүн оҥороллор. Гимназия дьаһалтата оҕо төрөппүттэрин кытта сибээһи тутар, оҕо туруга орто, кылаас салайааччытыгар сибээскэ тахсар.
Дьокуускай куорат уокуруктааҕы дьаһалтатын үөрэҕин управлениета, быһылаан тахсыбытын быһаарар инниттэн бэрэбиэркэни тэрийдэ. Саахал миэстэтигэр туоратыллыбыт. Оскуола эрэсиим быһыытынан үлэлии турар.
Таһырдьа халлаан биллэ тымныйбытынан, СӨ үөрэҕин уонна билимин министиэристибэтэ, үөрэх бары тэрилтэлэригэр уонна биэдэмэстибэннэй тэрилтэлэригэр оттук систиэмэтин, уу ситимин, үөрэх тэрилтэлэрин о.д.а. коммуникацияларын туруктарын суһаллык бэрэбиэркэлииргэ сорудахтаата – диэн министиэристибэ телеграм-ханаалыгар иһитиннэрэллэр.
Ахсынньы 13-15 күннэригэр Москва куоракка «Твой Ход – 2025» Бүтүн Арассыыйатааҕы устудьуоннар пуорумнара ыытылларынан, «Сыл…
Дьокуускайга административнай дьиэҕэ тахсыбыт киһи өлүүлээх баһаар холуобунай дьыалатыгар бириигэбэри таһаардылар. Бу туһунан ахсынньы 16…
Бүгүн, ахсынньы 16 күнүгэр, Дьокуускайга Российскай Федерация бочуоттаах полярнигын Николай Находкин «Санников сиригэр эспэдииссийэ» диэн…
Өрөспүүбүлүкэ агробырамыысыланнай комплексын 2025 сыллааҕы үлэтин түмүктүүр мунньаҕар бастыҥ муниципальнай оройуоннар бэлиэтэннилэр. Бу туһунан СӨ…
Тымныыттан эчэйии үксэ арыгы иһииттэн тахсар диэн Өрөспүүбүлүкэтээҕи 2 №-дээх балыыһатын - Суһал мэдиссиинэ көмөтүн…
Тэрээһиннэргэ байыаннай дьайыы бэтэрээннэрэ уонна кыргыһыы хонуутугар охтубут дьон дьиэ кэргэттэрин чилиэннэрэ, барыта 28 тыһыынчаттан…