Мария Васильева хаартыскаҕа түһэриитэ, ЯСИА.
Арыгы иһэн баран бииргэ олорор дьахтарын кырбаабыт киһиэхэ холуобунай дьыала тэриллибит.
4 №-дээх полиция отделын дьуһуурунай чааһыгар этигэр-сиинигэр эчэйиилээх Дьокуускай олохтооҕо дьахтар балыыһаҕа кэлбитин туһунан мэдиссиинэ тэрилтэтиттэн иһитиннэрии киирбит.
Суһал-ирдиир үлэ ыытыллан, полиция учаскуобайдара киһи доруобуйатыгар эмсэҕэлээһини оҥорбут уорбаланааччыны быһаарбыттар. Ол курдук, бу 45 саастаах Ньурбаттан төрүттээх киһи буолара биллибит.
Быһаарыллыбытынан, ити күн уорбаланааччы дьиэтигэр арыгылаабыт. Онуоха дьахтар кинини сэмэлээбитигэр иирсэн турбуттар. Бу киһи кыыһырдаҕа аатыран дьахтары илиитинэн-атаҕынан тэбиэлээбит-охсуолаабыт. Ити кэнниттэн, аны, иллэспиттэр. Дьахтар балыыһаҕа да көрдөрбөттүү, полицияҕа да тыллаабаттыы быһаарыммыт. Ол эрээри, хас да күн ааспытын кэнниттэн, эмсэҕэлээччи дьахтар доруобуйатын туруга мөлтөөбүт, онон балыыһаланарга күһэллибит.
Буруйдаах киһиэхэ РФ ХК 112 ыст. 1 ч. «Умышленное причинение средней тяжести вреда здоровью» холуобунай дьыала тэриллибит.
СӨ ИДьМ пресс-сулууспата
Ахсынньы 9 күнэ дойду үрдүнэн Дьоруойдар күннэринэн биллэриллибитэ. [gallery ids="260717,260718,260719,260720,260722,260723"] Дьоруойдар күннэрин 1769 сыллаахха Екатерина…
Саха сиригэр Мандар Уус 80 сааһын республика киэҥник бэлиэтээтэ. Мандар Ууһу илэ тутан олорон эҕэрдэлээри,…
Уус Алдан улууһун I Өспөх нэһилиэгэр хаарбах дьиэттэн көһөрүү бырагырааматынан икки уопсай дьиэ үлэҕэ киирдэ.…
Уус Алдан улууһугар С.С. Васильев-Борогонскай аатынан киин бибилэтиэкэҕэ Улуу Кыайыы 80 сылын, улууска Тыа хаһаайыстыбатын…
2026 сыл тохсунньу 1 күнүттэн үлэни биэрээччи үлэһитин дьиэ кэргэнигэр оҕо төрөөтөҕүнэ, көмө төлөбүрүн биэриэн…
Хотугу төрүт олохтоох аҕыйах ахсааннаах норуоттар маастардарын быыстапката болҕомтону тардар. Төрдүс төгүлүн ыытыллар бырайыак Аҕа…