Хаартыска: М.Сергеева (ЯСИА)
ИДьМ сулууспатын 2 №-дээх полициятын отделын дьуһуурунай чааһыгар Дьокуускай куорат олохтооҕо баан счетуттан 200 тыһыынча солкуобайтан тахса харчы уоруллубутун туһунан сайабылыанньа түһэрбит.
Суһал-көрдүүр тэрээһиннэринэн холуобунай ирдэбил үлэһиттэрэ уорбаланааччыны быһаардылар. Урут сууттаммыт 36 саастаах Бүлүү улууһун олохтооҕо буолара биллибит.
Силиэстийэнэн быһаарыллыбытынан, сайабылыанньалаах Саҥа дьыллааҕы бырааһынньыктары бэлиэтээн, аймах дьахтарын ыалдьыттата ыҥырбыт, онтуката дьүөгэтин батыһыннаран кэлбит. Эр киһи элбэх арыгыны иһэн баран утуйан хаалбыт, ону аймаҕын дьүөгэтэ туһаммыт.
Дьахтар эмсэҕэлээччи суотабай төлөпүөнүгэр пароль суоҕун көрөн, «мобильнай баан» нөҥүө 203 тыһыынча солкуобайтан тахса харчыны уорбут. Ити кэннэ бөдөҥ суумалаах харчыланан, таксыыны анал сакааһынан ыҥыртаран, Үөһээ Бүлүү улууһугар айаннаабыт.
Уоруллубут харчы ордугун уорбаланааччы арыгы, ас-үөл атыылаһарыгар уо.д.а. туттубут. РФ Холуобунай кодексатын 158-с ыстатыйатын 3-с чааһынан («Уоруу») холуобунай дьыала тэрилиннэ диэн СӨ ИДьМ пресс-сулууспата суруйар.
Саха сирин олохтоохторо олорор сирдэринэн поликлиникаларыгар босхо диспансеризацияны бэйэлэригэр табыгастаах бириэмэҕэ, ол иһигэр субуотаҕа, ааһыахтарын…
Горнай улууһун Мытаах сэлиэнньэтин олохтооҕо, тыыл уонна үлэ бэтэрээнэ Варвара Тимофеева 100 сааһынан үбүлүөйүн бэлиэтээтэ.…
Олунньуга дуоллар сыаната 73–82 солкуобай, евро — 92–98 солкуобай, юань — 10,8–11,3 солкуобай буолуоҕа диэн…
Ил Дархан Айсен Николаев Өрөспүүбүлүкэтээҕи ипотека ааҕыныстыбатын (РИА) 2025 сылга үп-хаһаайыстыбаннай үлэтин түмүктэрин уонна 2026…
В.П.Ларионов аатынан “Инникигэ хардыы” өрөспүүбүлүкэтээҕи эдэр чинчийээччилэр билим кэмпириэнсийэ-күөн күрэстэрин иитинэн “Оскуола билимҥэ кулууптара: кыһалҕата…
Тохсунньу бастакы нэдиэлэлэригэр саҥа тимир көлө сыаналара ортотунан 1,5–3% үрдээтэ. Сыана үрдээһинэ НДС уонна утилизационнай…