Итирик дьахтар дьон массыынатын тааһынан бырахпыт

Дьокуускай полициятын дьуһуурунай чааһыгар эр киһи «Тойота Филдер» массынатын билбэт дьахтара алдьаппытын туһунан иһитиннэрбит. Холуобунай ирдэбил үлэһиттэрэ 43 саастаах дьахтар уорбаланарын быһаарбыттар диэн ИДьМ пресс-сулууспата суруйар.

Быһылаан Лермонтов уулуссатыгар баар дьиэ таһыгар буолбут. Подъезд аттыгар арыгы иһэ турар дьахтары эр киһи сэмэлээбит. Дьахтар онно наадыйбатах. Төһө эрэ бириэмэ ааспытын кэнниттэн эр киһи кэлэн, дьахтар бу дьиэ аттыттан барарыгар көрдөспүт. Онуоха этиһии тахсыбыт. Дьахтар таас ылан, эр киһи массыынатын иннин тааһын хайа бырахпыт. Хоромньу 11 тыһ.солк. тэҥнэспит.

Холуобунай дьыала тэриллибит.