Итирик дьахтар суолга саахалы оҥордо

Дьокуускайга итирик туруктаах дьахтар суол саахалын оҥордо диэн ГАИ иһитиннэрэр. Саахал олунньу 23 күнүгэр киэһэ Петровскай уонна Чайковскай уулуссалар быһа охсуһууларыгар буолбут.

42 саастаах дьахтар «Тойота Рактис» массыынаны ыытан иһэн «Тойота Суксид» массыынаҕа тиийэн түспүт. Дьахтар итирик туруктааҕын бигэргэтэр мэдиссиинискэй көрдөрүүттэн аккаастаммыт. Административнай матырыйаал оҥоһуллубут.

Дьахтар мэдиссиинискэй көрдөрүүттэн аккаастаммытын иһин 45 тыһ.солк. ыстарааптаныан уонна суоппар бырааба 1,5-2 сылга быһыллыан сөп.