Ульяна Захарова хаартыскаҕа түһэриитэ
Балаҕан ыйын 17 күнүгэр Өлүөхүмэ оройуонугар түөрт киһи эчэйиилээх массыына саахала тахсыбыт. «Тойота Пассо» массыынаны итирик туруктаах дьахтар ыытан иһэн, утары суолга тахсан, «Тойота Белтаны» кытта харсыспыт. Ол түмүгэр түөрт киһи эчэйиини ылбыт.
Быһаарыллыбытынан, «Тойота Пассо» 28 саастаах суоппара массыына ыытар бырааба суох сылдьан уруулга итирик туруктаах олорбут. Суоппары кытта массыына иһигэр икки саастаах оҕо баара биллибит. Оҕо анал кириэһилэтэ суох айаннаан испит, кинини аҕата көтөҕөн олорбут. Хата, бу саахалга оҕо эмсэҕэлээбэтэх. Манна биллибитинэн, массыына ыытар бырааба суох дьахтар урут административнай эппиэтинэскэ тардылла сылдьыбыт. Ол курдук кини ааспыт сыл сэтинньитигэр эмиэ арыгы иһэн баран уруулга олорон тутуллубут. Онон дьахтар дьайыыларыгар буруйу оҥоруу састааба көстөрүнэн, Арассыыйа Федерациятын холуобунай кодексатын 264 ыст.2 ч. үс сылтан сэттэ сылга диэри хаайыы болдьоҕор ууруллуон сөп. Ону сэргэ Арассыыйа Федерациятын холуобунай кодексатын 156 ыст. (сааһын ситэ илик оҕону көрүүгэ төрөппүт эбээһинэһин толорбот буолуу) иһин холуобунай дьыала тэриллиэн сөп.
ИДьМ сулууспатын Сунтаар улууһун отделын холуобунай ирдэбил үлэһиттэрэ 24 саастаах олохтоох киһи баантан харчыны уорбутугар…
Арассыыйа Бэрэсидьиэнэ Владимир Путин пресс-кэмпириэнсийэни кытта холбоммут быһа сибээс кэмигэр дьиэ кэргэни өйөөһүҥҥэ улахан болҕомтону…
«Газпромбаан» вице-бэрэсидьиэнэ, «Үрдүкү технологиялаах мэдиссиинэ көмөтө» аһымал пуондатын сэбиэтин бэрэссэдээтэлэ Сергей Фурсенко Саха сиригэр оробуочай…
Эһиилги «Дыгын оонньууларын» чөмпүйүөнэ үс мөлүйүөн солкуобайы уонна 7 мөлүйүөн солкуобайтан тахса сыаналаах Дьокуускай куоракка…
Түөкүттэр тус дааннайдары сыыппараҕа көһөрөбүт диэн военкомакка “ыҥырар” саҥа исхиэмэни толкуйдаабыттарын ИДьМ матырыйаалларыгар сигэнэн ТАСС…
Дьокуускай олохтооҕо киһини өлөрөргө соруммутунан буруйдааҕынан билинилиннэ. Кини ритаульнай киинигэр киһиэхэ быһахтаах саба түспүт. 57…