Итирик эр киһи ийэтин өлөрбүт

Саха сирин сууттарын холбоһуктаах пресс-сулууспата иһитиннэрбитинэн, Мэҥэ Хаҥалас оройуоннааҕы суута  43 саастаах киһини ийэтин өлөрүүгэ уорбалаан тутарга уурда.

Силиэстийэ быһаарбытынан, бу сыл балаҕан ыйын 11 күнүгэр уорбаланар киһи итирик туруктаах сылдьан ийэтин кытары  иирсээн кэмигэр бултуур саанан төбөҕө ыппыт. Дьахтар ылбыт бааһыттан миэстэтигэр өлбүт.

Суут  силиэдэбэтэл көрдөһүүтүн бигэргэтэн,  эр киһини икки ыйга, сэтинньи 12 күнүгэр диэри хаайда. Суут уурааҕа билиҥҥитэ сокуоннай күүһүгэр киирэ илик.