Хаартыска ИДьМ пресс-сулууспатыттан
Дьокуускайдааҕы полиция отделын дьуһуурунай чааһыгар киин куорат Горькай уулуссатыгар баар элбэх кыбартыыралаах дьиэтин таһыгар итирик дьахтар кыһыл оҕолоох сылдьарын туһунан иһитиннэрбиттэр. Быһылааны видеоҕа устан социальнай ситимнэринэн тарҕаппыттара. Бу туһунан «Дьокуускайдааҕы» ИДьМ управлениетын телеграм-ханаала суруйар.
Сааһын ситэ илик оҕолор дьыалаларын инспектордара бэрэбиэркэлээн, бу Өлөөн улууһуттан төрүттээх 25 саастаах ийэ буоларын быһаарбыттар. Ийэ ПДН учуотугар эрдэттэн турар.
Полицейскайдар быһаарбыттарынан, дьахтар эр киһини кытта уулуссаҕа билсибит уонна бииргэ арыгылаабыттар. Кинилэр арыгы атыылаһа тахсан испиттэрин дьон көрөн, видеоҕа устубут. Бу кэмҥэ дьахтар түөрт ыйдаах оҕотун илдьэ сылдьыбыт.
Дьахтар «Ненадлежащее исполнение родительских обязанностей» диэн ыстатыйанан административнай эппиэтинэскэ тардылынна. Кини бу ыстатыйанан эрдэ эмиэ эппиэтинэскэ тардылла сылдьыбыт.
Эпиэкэ исписэлиистэрэ кыһыл оҕону дьиэ кэргэни иитэр кииҥҥэ аҕалбыттар.
"РУСАДА" Арассыыйаҕа допины утары үлэлиир ааҕыныстыба мадьыны анаалыһыгар бобуулаах бэссэстибэ баарын быһаарда. Онон күрэсчит 2029…
Соторутааҕыта Чүүйэҕэ Чоочо баай киэҥ нэлэмэн алааһыгар күүлэйгэ тиийэ сылдьан, бэрт сатабыллаах үлэ бэтэрээнин кытта…
Х Илиҥҥи экэнэмиичэскэй пуорумҥа 106 млрд солк. суумалаах 27 дуогабарга илии баттаммытын туһунан Ил Дархан…
Кытайга ыытыллыбыт ШОС саммитын кэнниттэн РФ бэрэсидьиэнэ Владимир Путин Владивостокка Х Илиҥҥи экэнэмиичэскэй пуорумҥа кэлэн,…
Бүлүү куоратын өрөгөйдөөх күнүн көрсө «Ыллыыр кумах» диэн дьон-сэргэ сөбүлээн сынньанар, толору тоҕуоруһар сирэ арылынна.…
Сунтаар улууһун Бордоҥ сэлиэнньэтигэр олорор, үлэлиир кэргэннии Мария уонна Василий Спиридоновтар ырыаларын истибэтэх, кинилэр талааннарыгар…