Хаартыска: Андрей Сорокин, СИА
Ленскэй оройуонун суута Ленскэй куорат 25 саастаах олохтооҕо дьахтар РФ Холуобунай Кодексатын 318-с ыстатыйатын 1 чааһынан (былаас бэрэстэбиитэлэ эбээһинэһин толоро сырыттаҕына, киниэхэ олоххо уонна доруобуйаҕа куттала суох күүһү туттуу, ону тэҥэ күүһү туттан куттааһын) көрүллүбүт буруйу оҥорууга буруйданар дьахтар холуобунай дьыалатын көрдө.
Бу сыл сааһыары итирик дьахтар Ленскэй оройуонун полициятын отделениетыгар кэлбит уонна араас быдьар тылынан үөхсэн туран, кэргэнин утары дьыаланы тохтотоллорун модьуйбут.
РФ Административнай кэһиилэр тустарынан Кодексатын 20.21 ыстатыйатынан көрүллүбүт административнай кэһиини оҥорбутунан, дьахтары балыыһаҕа тиэрдибиттэр. Онно кини сокуону кэһэр дьайыыларын салҕаабыт, үөхсэн, бэрээдэги кэһэрин тохтотоллорун туһунан ирдэбили тутуспатах, ону таһынан полиция үлэһитигэр күүһүн туттарынан куттаабыт. Ити кэннэ кини полицейскайы илиитинэн түөскэ анньыбыт, онтон истиэнэҕэ ыйанан турар сиэркилэни харбаан ылан, быраап харыстабылын үлэһитин диэки бырахпыт.
Суут кэмигэр дьахтар буруйун толору билиммит, кэмсиммит. Накааһы аныырыгар суут буруйу чэпчэтэр тустаах быһыылары-майгылары учуоттаата, ол курдук: буруйу билинии, кэмсинии, сокуоннай сааһын ситэ илик оҕолооҕо, буруйу оҥорон таһаарбыт хоромньутун бэйэтин баҕатынан толуйуута. Ол гынан баран, буруйу ыаратар быһыы-майгы эмиэ тахсыбыта быһаарылынна – дьахтар буруйу итирик туруктаах сылдьан оҥорбут. Бу оҥорбут буруйун иһин дьахтарга 2 сыл болдьоххо көҥүлэ быһыллан, 2 сыл тургутар болдьохтоох усулуобунайдык бириигбэтэ ананна. Бириигэбэр сокуоннай күүһүгэр киирэ илик. Бу туһунан Саха сиринээҕи Сууттарын холбоһуктаах пресс-сулууспата иһитиннэрэр.
Бу нэдиэлэҕэ үп-харчы эйгэтигэр ураты кэм буолуо. Үгүс бэлиэлэргэ саҥа кыахтар арыллыахтара, ол эрээри сыыһа-халты…
Дьокуускай куорат полициятын бастакы нүөмэрдээх отделын дьуһуурунай чааһыгар үрүҥ көмүс таастаах биһилэҕин уордарбыт киһиттэн сайабылыанньа…
Тааттаҕа "Манчаары оонньууларыгар" түмсүбүт ыалдьыттар тугу көрүөхтэрин сөп эбитий? Манна көрүҥ. Видеоны бэлэмнээтэ Лия Заровняева.
Федерация Сэбиэтигэр Арассыыйа миграцияҕа судаарыстыбаннай бэлиитикэтин сокуон өттүнэн хааччыйыыга анаммыт “төгүрүк остуол” ыытылынна. “Төгүрүк остуолу”…
От ыйын 7 күнүнээҕи туругунан, өрөспүүбүлүкэ сиригэр-уотугар ойуурга уонна сиринэн умайыы бэлиэтэммэтэ. Бу туһунан өрөспүүбүлүкэ…
Быйылгы Туймаада ыһыаҕын «Дыгын оонньууларын» кыайыылааҕынан Амма Чапчылҕанын уола Борис Сдвижков буолбута. Бу күннэргэ кыайыылааҕы…