Итирик суоппар биэс массыына кыттыылаах саахалы оҥордо

Бэҕэһээ, муус устар 20 күнүгэр, Дьокуускайга Намныыр суол 14-с км биэс массыына кыттыылаах суол саахала буолла диэн Госавтоинспекция иһитиннэрэр.

34 саастаах эр киһи  итирик туруктаах «Toyota Premio» массыына уруулугар олорон, «Toyota Noah» массыынаҕа кэлэн түспүт. Ол охсуутуттун микро-оптуобус «Mazda Bongo» массыынаҕа , оттон «Toyota Premio» «Honda HR-V» массыынаҕа тиийэн түспүттэр.

Суол саахалын оҥорбут суоппар итирик туруктааҕын мэдиссиинискэй көрдөрүү бигэргэппит. Ким даҕаны эчэйбэтэх.

Ол киэһэ Михаил Николаев проспегар 23 саастаах кыыс «Daihatsu Mira» массыынаны ыыта сылдьан,  «Toyota Corolla Fielder» массыынаҕа тиийэн түспүт. Кыыс итирик туруктааҕа биллибит.