Хаартыска: ГАИ пресс-сулууспата
Хаҥалас улууһугар полицияҕа олохтоох дьахтар чааһынай дьиэтин таһыгар турбут массыынатын күрэппиттэрин туһунан сайабылыанньа суруйбут. Бу туһунан Саха сиринээҕи ИДьМ пресс-сулууспата иһитиннэрэр.
Холуобунай ирдэбил үлэһиттэрэ уорбаланааччыны быһаарбыттар. Дьахтар кэргэнин билэр киһитэ, 44 саастаах, урут сууттаммыт Сунтаар улууһуттан төрүттээх эр киһи буолара биллибит. Силиэстийэ кэмигэр быһаарыллыбытынан, быһылаан иннинэ сайабылыанньалаах дьахтар кэргэнэ уонна уорбаланааччы бииргэ олорон арыгы испиттэр. Түүн ыалдьыт хатааһылыы барыан баҕаран, остуолтан күлүүһү ылбыт уонна массыынаны күрэппит. Буруйу оҥорооччу Дьокуускайга диэри бараары гыммыт, ол эрээри суолун бутуйан Улахан Аан сэлиэнньэтин диэки айаннаабыт. Эбиитин суолтан туораабыт. Ол кэннэ буруйдаах массыынатын бырахпыт, ону кытта ааһан иһэр массыынанан Дьокуускайга тиийбит. Сотору буолаат уорбаланааччыны патрульно-постовой сулууспа үлэһиттэрэ тутан, полиция отделыгар аҕалбыттар. Киниэхэ сыһыаннаан «Уорар сыала-соруга суох массыынаны эбэтэр атын тырааныспар сириэстибэтин сокуону кэһэн бас билии» диэн ыстатыйанан холуобунай дьыала тэриллибит. Хааччахтыыр миэрэ быһыытынан суутунан хаайыллыбыт.
Сэтинньи 21 күнүгэр, бээтинсэҕэ, Таилаҥҥа «Мисс Вселенная - 2025» норуоттар икки ардыларынааҕы Кэрэ куо күрэҕин…
РФ Бырабыыталыстыбата чэпчэтиилээх субсидиялаах билиэттэр ороскуотун толуйууга өссө эбии 300 мөлүйүөнтэн тахса солкуобайы ыытыаҕа. Ити…
Бүгүн, сэтинньи 20 күнүгэр, Смарт-бибилэтиэкэҕэ Дьокуускай куорат төрүт олохтооҕо, биллиилээх учуонай Пантелеймон Егоров “Биһиги эдэр…
ХИФУ, ЧГИФКиС уонна АГАТУ хамаандалара Уфа куоракка устудьуоннарга аналлаах мас-рестлиҥҥэ Бүтүн Арассыыйатааҕы турнирга кытта барыахтара.…
Дьокуускайга «Эпос аан дойдутааҕы энциклопедистика контекстыгар» диэн норуоттар икки ардыларынааҕы научнай кэмпириэнсийэ үлэтин саҕалаата. 6…
«Здоровое Отечество» уопсастыбаннай хамсааһын бэрэссэдээтэлэ Екатерина Лещинская премьер-миниистир Михаил Мишустиҥҥа үлэ миэстэтигэр табахтааһын иһин административнай…