Итирик суоппардар буруйдарынан икки суол саахала тахсыбыт

Бэс ыйын 11 күнүгэр Дьокуускай куоракка итирик суоппардар кыттыылаах 2 суол быһылаана бэлиэтэммит.

Ол курдук, түүн 41 саастаах дьахтар «KIA Seltos» массыынанан Тулагы өттүттэн айаннаан иһэн суолтан туораабыт, ол түмүгэр суоппар дьахтар уонна пассажир эчэйбиттэр. Бэрэбиэркэ түмүгүнэн дьахтар арыгы испитэ быһаарыллыбыт.

Ити күн түүн 3 чаас саҕана Покрышкина уулусса 20-с №-дээх дьиэтин таһыгар 25 саастаах эр киһи «Toyota Mark II» массыынаны утаргы суолга тахсан биэрбит уонна «Toyota Corolla» массыынаны кытта харсыспыт. Суолга утары тахсан биэрбит суоппар итирик туруктаах сылдьыбыта биллибит.
«Toyota Corolla» массыына 22 саастаах суоппара араас эчэйиини уонна тостуулары ылбыт.

Итирик туруктаах уруулга олорбут суоппар 45 тыһыынча солкуобайга ыстарааптанар эбэтэр балтараа сылга диэри болдьоххо тырааныспары ыытар бырааба быһыллар. Бу туһунан киин куорат Гоставтоинспекциятын пресс-сулууспата иһитиннэрэр.