Итирик сылдьан дьон массыынатын алдьаппыт

Дьокуускайдааҕы полиция 2-с отделын дьуһуурунай чааһыгар Дьокуускай олохтооҕо «Тойота Королла» мааркалаах массыынатын алдьаппыттарын туһунан иһитиннэрбит. Бу туһунан СӨ ИДьМ пресс-сулууспата суруйар. 

Эмсэҕэлээччи киэһэ массыынатын Ярославскай уул. баар дьиэ тиэргэнигэр хаалларбыт. Сарсыарда аана алдьаммытын бэлиэтии көрбүт. Хоромньу 10 тыһ.солк. тахсаҕа тэҥнэспит.

Холуобунай ирдэбил үлэһиттэрэ Эбээн Бытантайтан төрүттээх 30 саастаах киһи уорбаланарын быһаарбыттар. Кини түүн итирик туруктаах ааһан иһэн массыынаны алдьатан ааспыт.

Холуобунай дьыала тэриллибит.