Итирик туруктаах суоппар икки сылга көҥүлэ быһылынна

Дьокуускайга итирик туруктаах иккиһин түбэспит суоппар көҥүлэ быһылынна. Бу туһунан СӨ Борокуратууратын пресс-сулууспата суруйар.   

Дьокуускай куорат Борокуратуурата киин куорат 30 саастаах олохтооҕор судаарыстыбаннай буруйдааһыны өйөөтө. Кини РФ Холуобунай Кодексатын 2 ч. 264.1 ыст. буруйданна.

Суут быһаарбытынан, 2023 с. муус устар ыйга инникитин сууттаммыт буруйданааччы кэргэнин «Мицубиси Аиртрек»  мааркалаах массыынатын уруулугар итирик туруктаах хаттаан олорбута уонна суол кыттыылаахтарын олоҕор, доруобуйаларыгар кутталы үөскэппитэ быһаарылынна. Кини быраабы утары дьайыыларын ГИБДД инспектордарынан тохтотуллубут.

Суут судаарыстыбаннай буруйдааччы санаатын учуоттаан туран, суоппары 2 сыл уонна 6 ый болдьоххо көҥүлүн быһарга уураах ылынна. Буруйданааччы уопсай эрэһимнээх холуонньаҕа хаайыга бириигэбэрдэннэ уонна 5 сылга болдьохтоох тырааныспары кытары сибээстээх үлэнэн дьарыктанарга көҥүлэ быһылынна.

Буруйданааччыттан «Мицубиси Аиртрек»  мааркалаах массыына судаарыстыба дохуотугар былдьанна.