Итирик туруктаах суоппартан сылтаан суол быһылаана таҕыста

Бэҕэһээ, тохсунньу 26 күнүгэр, Дьокуускай куоракка  арыгы иһэн баран уруулга олорбут суоппар  суол быһылаанын таһаарда.  

Ол курдук киэһэ 23 чаас саҕана Лермонтов уул.  162/2 №-дээх дьиэтин таһыгар  33 саастаах  «Toyota Crown» суоппара  Красильников уулуссатын өттүттэн айаннаан иһэн, уруулун кыайан туппакка, утары балаһаҕа тахсыбыт.  Итиэннэ  утары иһэр  «Toyota Passo» массыынаны кытары харсыспыт.

Ол түмүгэр  «Toyota Passo» суоппара эчэйбит.

«Toyota Crown» суоппара арыгы испитэ быһаарыллыбыт (0,747 мг/л этанол).