Итирик туруктаах суоппартан сылтаан үс киһи эмсэҕэлээтэ

Дьокуускай куоракка  итирик туруктаах суоппартан сылтаан үс киһи эмсэҕэлээбитин туһунан Куораттааҕы госавтоиниспиэксийэ иһитиннэрдэ.

Барыллаан  быһаарыллыбытынан, алтынньы 3 күнүгэр киэһэ  23 чааска  2006 с.т. суоппар «Ниссан Скайлайн» массыынанан  Ярославскай уулусса өттүттэн айаннаан иһэн,  Хабаров — Д.К. Сивцев-Суорун Омоллоон аатынан уулуссалар быһа охсуһууларыгар, кыһыл уокка баран,  «Тойота Рактис» массыынаны  кытта харсыспыт.

Суол быһылаанын түмүгэр суоппар уонна  «Тойота Рактиска» олорсон испит икки пассажир эчэйиини ылбыттар.

Бэрэбиэркэ кэмигэр биллибитэ,  «Ниссан Скайлайн» суоппара  арыгы испитэ  быһаарыллыбыт (0,183 мг/л этанол). Билигин туһааннаах быһылаанынан бэрэбиэркэ ыытыллар.