Ульяна Захарова хаартыскаҕа түһэриитэ
ГИБДД иһитиннэрэринэн, ааспыт сылга Саха сиригэр уопсайа 4460 суоппар арыгы иһэн баран уруулга олорон тутуллубут. Итинтэн 624 суоппар иккистээн итирик туруктаах уруулга олорбуттара биллибит.
Эппиэтинэһэ суох суоппардарга 2022 сылтан саҥа сокуон нуормата олохтоммута. Ол курдук массыыналарын былдьаан судаарыстыба дохуотугар бэрдэрии туһунан. СИА суруйарынан, өрөспүүбүлүкэ борокуратууратыгар иһитиннэрбиттэринэн, иккистээн арыгы иһэн баран уруулга олорбут 159 суоппартан массыыналарын былдьаабыттар. Ол иһигэр «Тойота Ленд Крузер», «Инфинити EX», «Форд Фокус», «Тойота Ист», «Тойота Виста» мааркалаах массыыналары.
Мэҥэ Хаҥалас улууһугар арыгы иһэн баран уруулга олорон сууттана сылдьыбыт киһи иккистээн итирик туруктаах массыынаҕа олорбут. Онон киниттэн «Тойота Ленд Крузер» массыынатын былдьаабыттар. Арыгы иһэн баран уруулга олорбуттарын иһин сыаналаах массыыналарыттан Алдан уонна Чурапчы оройуонун олохтоохторо маппыттар.
Арыгы иһэн баран массыыналарыттан маппыт дьахталлар эмиэ бааллар. Дьокуускай куорат 37 саастаах олохтооҕо «Тойота Ист» массыынатын былдьаппыт. Нерюнгригэ арыгы иһэн баран иккистээн уруулга олорбут дьахтар 210 тыһ.солк. ыстарааптаммыт уонна «Тойота Приус» массыынатын былдьаппыт.
Суут бириигэбэрэ күүһүгэр киирдэ даҕаны былдьаныллыбыт массыыналары суут бириистэптэрэ «Росимущество» бас билиитигэр ыыталлар. Ааспыт сылга Саха сирин территориальнай Росимущество управлениета 111 массыына атыыга тахсарга бэлэмин иһитиннэрбит. Ол курдук «РТС Тендер» диэн электроннай былаһааккаҕа 40 тахса массыына атыыга тахсыбыт. Өскөтүн, массыынаны былдьыыр кыаллыбат буоллаҕына, суут буруйданааччыттан массыына сууматын харчынан төлөттөрөр эбэтэр онуоха тэҥнээх сыаналаах атын бас билиини ылар. Инньэ гынан ааспыт сылга аҕыс холуобунай дьыала түмүгүнэн харчынан төлөбүрдэр оҥоһуллубуттар.
Ааспыт сууккаҕа ГИБДД үлэһиттэрэ арыгы иһэн баран уруулга олорбут алта суоппары туттулар.
Лев Павлов көҥүл тустууга юниордар истэригэр аан дойду чөмпүйэнээтигэр үрүҥ көмүс мэтээли ылары ситистэ. Кини…
Бүгүн, балаҕан ыйын 8 күнүгэр, Саха сирин соҕуруу, хотугулуу-илин, күнүс арҕаа улуустарыгар сорох сиринэн ардах,…
Бүгүн НТВ ханаал “Чудо” биэриитигэр Сунтаар улууһун Элгээйи орто оскуолатын үөрэнээччитэ, эдэр орнитолог, 11 саастаах…
Аҕыйах хонуктааҕыта Сунтаар улууһун Куокуну нэһилиэгэр Улахан Табаҕа киэҥ нэлэмэн, үрдүк үүнүүнү биэрэр бааһыната талах…
Оҕо барахсан хайа да кэмҥэ арахсыспат аргыһа – оонньуур буоллаҕа. Онон “Наука 0+” билим бэстибээлин…
Бу күннэргэ өрөспүүбүлүкэ улуустарыгар ититии сезона саҕаланан эрэр. Мэҥэ Хаҥалас улууһун пресс-сулууспата дьаһалта телеграм-ханаалыгар иһитиннэрбитинэн,…