Ититии өрөспүүбүлүкэ 32 улууһугар киирбит

Бүгүҥҥү күҥҥэ  ититии Дьокуускайы ааҕан туран, 32 улууска киирбит.

Атырдьах ыйыгар 13 арктическай оройуоҥҥа ититии киирбитэ. Балаҕан ыйын 2 күнүттэн ититиини Горнайга биэрбиттэрэ, өйүүнүгэр Өймөкөөҥҥө, салгыы Сунтаарга, Чурапчыга, Ньурбаҕа, Тааттаҕа, Томпоҕо, Алдаҥҥа киирэн саҕалаабыттара.

Балаҕан ыйын 7 күнүгэр Бүлүүгэ, Хаҥаласка, Аммаҕа, Уус Алдаҥҥа, Ленскэйгэ,  сарсыныгар Кэбээйигэ, Үөһээ Бүлүүгэ киирбитэ. Онтон Мэҥэ Хаҥаласка, Дьокуускайга киирбитэ.

Ититии элбэх кыбартыыралаах дьиэҕэ киирэ илик буоллаҕына, олохтоохторо салайар хампаанньаҕа сибээскэ тахсыахтаахтар. Маны сэргэ биир кэлим диспиэччэрскэй сулууспаҕа 44-42-29 сибээскэ тахсар наада.