Хаартыска: Сахагов.ру
СӨ Бырабыыталыстыбатын бэрэссэдээтэлин бастакы солбуйааччы Дмитрий Садовников бүгүн ититии сезонугар бэлэмнэниигэ суһал ыстаап мунньаҕын салайан ыытта.
Мунньах сүрүн тиэмэтинэн өрөспүүбүлүкэ куораттарын уонна улуустарын уматыкка, энэргиэтикэҕэ, хомунаалынай хаһаайыстыбаларын кэлэр кыстыкка бэлэмнэрин сыаналааһын буолла.
«Ростехнадзор Ленскэйдээҕи управлениетын исписэлиистэрин бэрэбиэркэлэрин түмүгүнэн, өрөспүүбүлүкэҕэ 24 муниципальнай тэриллии 2025-2026 сыллаах ититии сезонугар бэлэмнээх буолуу пааспардарын ылла. Паспортизация бэрээдэгэ быйыл элбэх уларыйыыны киллэрдэ. Бу уларыйыылар кэмнэригэр уонна чопчу олоххо киириилэригэр бары кыттыгастаах өрүттэртэн улахан болҕомто ирдэнэр», — диэн иһитиннэрдэ Садовников.
Ростехнадзор Ленскэйдээҕи управлениета 10 куорат уонна 32 муниципальнай тэриллии бэлэмнэрин бэрэбиэркэлээтэ. Бу сыанабылларга олоҕуран, Аллайыаха, Анаабыр, Булуҥ, Үөһээ Бүлүү, Үөһээ Халыма, Бүлүү, Мэҥэ Хаҥалас, Муома, Нам, Өлүөхүмэ, Орто Халыма, Сунтаар, Усуйаана, Хаҥалас уонна Чурапчы улуустара, ону тэҥэ Дьокуускай куорат уокуруктара, Жатай, Ленскэй, Ньурба, Орто Халыма, Покровскай уонна Бүлүү куораттар бэлэмнээх буолуу пааспардарын ыллылар. Горнай уонна Өлөөн улуустарыгар «готов с условиями» диэн ититии сезонугар бэлэмнээх буолуу туһунан пааспар туттарылынна. Хаалбыт муниципальнай тэриллиилэргэ уонна куорат уокуруктарыгар Ростехнадзор ыйбыт кыһалҕаларын быһаарар үлэ салҕанар.
«Сылытыы боппуруоһун өрөспүүбүлүкэ баһылыга уонна бырабыыталыстыбата ураты болҕомтоҕо туталлар. Бүгүҥҥү күҥҥэ бэлэм буолуу туһунан пааспардары биэриини түмүктээһин уонна Саха сирин олохтоохторугар тохтоло суох сылааһы, ууну, уоту уонна хомунаалынай өҥөнү тиэрдии буолар», — диэн тоһоҕолоон эттэ өрөспүүбүлүкэ бырабыыталыстыбатын бастакы солбуйааччы Дмитрий Садовников.
Бырабыыталыстыба бэрэссэдээтэлин бастакы солбуйааччы 21 муниципальнай тэриллиигэ пааспардары биэриини бүтэрэргэ сорудахтаата. Санатан эттэххэ, саҥа сезоҥҥа 1157 хочуолунай, 4163 килэмиэтир усталаах ититии ситимэ, 1763 килэмиэтир усталаах уунан хааччыйыы ситимэ, 748 килэмиэтир канализация ситимэ бэрэбиэркэлэммиттэрэ уонна саҥа сезоҥҥа бэлэмнэр.
Сиһилии: https://www.sakha.gov.ru/news/14737
Ахсынньы 13-15 күннэригэр Москва куоракка «Твой Ход – 2025» Бүтүн Арассыыйатааҕы устудьуоннар пуорумнара ыытылларынан, «Сыл…
Дьокуускайга административнай дьиэҕэ тахсыбыт киһи өлүүлээх баһаар холуобунай дьыалатыгар бириигэбэри таһаардылар. Бу туһунан ахсынньы 16…
Бүгүн, ахсынньы 16 күнүгэр, Дьокуускайга Российскай Федерация бочуоттаах полярнигын Николай Находкин «Санников сиригэр эспэдииссийэ» диэн…
Өрөспүүбүлүкэ агробырамыысыланнай комплексын 2025 сыллааҕы үлэтин түмүктүүр мунньаҕар бастыҥ муниципальнай оройуоннар бэлиэтэннилэр. Бу туһунан СӨ…
Тымныыттан эчэйии үксэ арыгы иһииттэн тахсар диэн Өрөспүүбүлүкэтээҕи 2 №-дээх балыыһатын - Суһал мэдиссиинэ көмөтүн…
Тэрээһиннэргэ байыаннай дьайыы бэтэрээннэрэ уонна кыргыһыы хонуутугар охтубут дьон дьиэ кэргэттэрин чилиэннэрэ, барыта 28 тыһыынчаттан…