Иван Алексеев: “Байыаннай дьайыы кыттыылаахтарыгар уонна кинилэр дьиэ кэргэттэригэр бары төлөбүрдэри ыытыахпыт”

Саха сирин үбүн миниистирин эбээһинэһин толорооччу Иван Алексеев “Инники күөҥҥэ” биэриигэ байыаннай дьайыы кыттыылаахтарыгар уонна кинилэр дьиэ кэргэттэригэр көрүллэр төлөбүр ыйытыыларыгар хоруйдаата.  

Төлөбүр быстах кэмҥэ тохтуу сылдьыбыт төрүөтүн быһаарда. Кини этэринэн, бу төһө элбэх киһиэхэ маннык өйөбүл көрүҥэ ирдэнэрин эрдэттэн суоттуур кыаллыбатынан тахсыбыт.

“Хомойуох иһин, биһиэхэ чахчы маннык түгэн буолла. Ол эрээри, Бырабыыталыстыба үлэни ыытан, ирдэнэр үбү булла, бу күннэргэ дьаһал тахсан, бары төлөбүрдэр түһүөхтэрэ” – диэн үп министиэристибэтин салайааччыта эбэн эттэ.

Бу туһунан Ил Дархан уонна Бырабыыталыстыба пресс-сулууспата суруйар. Салгыы манна ааҕыҥ.