Хаартыска: интэринээт-оскуола пресс-сулууспата
Көрбөттөр аан дойдутааҕы федерацияларын көҕүлээһининэн, алтынньы 15 күнүттэн Үрүҥ торуоска аан дойдутааҕы күнүн аахсыйата саҕаланар.
Харахтарынан көрбөт, мөлтөхтүк көрөр уонна куһаҕаннык истэр оҕолор үөрэнэр оскуола-интэринээттэрин кэлэктиибэ Иван Егоров-Горнай өйдөбүннүгүн үйэтитэр аналлаах тэрээһиннэри көҕүлүүр. Иван Николаевич Егоров – сахалартан бастакы дипломнаах тифлопедагог, математика учуутала, бэйиэт, публицист, философ, Брайль сахалыы шрибин төрүттээччи. 2021 сылтан ыла Иван Горнай аатынан бириэмийэ олохтоммута. Бырайыак ааптарынан тифлопедаг Анна Афанасьевна Седалищева буолар.
Бастакы куонкуруска кыайыылааҕынан көрбөтүнэн инбэлиит, устуоруйа преподавателэ Мария Николаевна Пассар буолбута. Кини бэйиэт оҕолорго аналлаах хоһооннорун нууччалыы тылбаастаабыта.
2022 сыллаахха “Иван Горнай аатынан бириэмийэни” (50 тыһыынча солкуобай суумалаах сэртипикээти) муусукаан, мелодист, бу оскуоланы бүтэрбит Алексей Алексеевич Потаповка туттарбыттара.
Ийэ сылынан сибээстээн, бириэмийэни (50 тыһыынча суумалаах сэртипикээти) уонна анал бэлиэни икки көрбөт оҕо ийэтигэр Айталина Николаевна Можуковаҕа анаабыттара. Горнай улууһун дьаһалтата уонна “Кладезь Якутии” пуонда өйөөбүттэрэ.
Онтон быйылгы бириэмийэ кыайыылаахтарынан буоллулар:
Хаҥалас улууһуттан төрүттээх, 2004 сыллаахха оскуола-интэринээти бүтэрбит Наталья Георгиевна Добрянцева. Кини Хаҥалас улууһун бибилэтиэкэтин өйөбүлүнэн хоһооннорун 2 кинигэтин (биирэ – Брайль систиэмэтинэн) бэчээттэттэ. Кини сырдык поэзията көрбөт дьону кэрэҕэ-сырдыкка уонна үчүгэйгэ эрэ эрэнэргэ көҕүлүүр. Сэртипикээти Үүнэр көлүөнэ пуондата туттарда.
Учуутал уонна уһуйааччы сылынан иккис кыайыылааҕынан педагогига бэтэрээнэ, тифлопедагог Любовь Семёновна Жиркова ааттанна. Көрбөт уонна мөлтөхтүк көрөр оҕолору кытары 42 сыл үлэлээбит талааннаах учуутал бэйиэт Иван Горнайы кытары бииргэ үлэлээбитэ. Любовь Семеновна махталлаах үөрэнээччилэрэ бары өрөспүүбүлүкэ дьоһуннаах үлэлээх, олохтоох дьонунан буолбуттара. Сэртипикээти “Алмазэргиэнбаан” уонна оскуола-интэринээт мецената Мария Гаврильевна Старостина туттардылар.
Оскуола-интэринээт кэлэктиибэ Василий Ильинов дириэктэрдээх “СК ИВА-Стро” ХЭО-ҕа уонна аһымал санаанан көмөлөспүт спонсордарга махтанар.
(Оскуола-интэринээт матырыйаалынан)
Хаҥалас улууһун 1-кы Малдьаҕар нэһилиэгин олохтоохторо ааспыт өрөбүллэргэ бэлиэтэммит "Нэһилиэк күнүгэр" бэртээхэй сонуну истэн үөрдүлэр.…
Бу күннэргэ Амма улууһун баһылыга Степан Кузьмин кыстыкка киириигэ бэлэмнэнии чэрчитинэн улуус киинин хочуолунайдарын туруктарын…
Таатта Харбалааҕар Аҕа дойду Улуу сэриитигэр кыайыы 80 сыллаах үбүлүөйүн көрсө бэлэмнэнии үлэ саҕаланна. "Дьоһуннааҕы…
Бүгүн СӨ Урбааҥҥа, атыыга-эргиэҥҥэ уонна туризмҥа миниистирэ Тимур Ханды министиэристибэ үлэһиттэригэр «Туризмы сайыннарыы уонна территориальнай…
Балаҕан ыйын 14 күнүгэр "Мукучу нэһилиэгэ" МТ баһылыга Николай Иванович Левин, "Сарыал" түөлбэ салайааччыта Анна…
Нам улууһун баһылыга Юрий Слепцов анал дьаһалынан улуус социальнай-экэнэмиичэскэй сайдыытын пуондатын бырабылыанньата халаан уутуттан эмсэҕэлээбит…