СӨ Нацбиблиотекатын медиа-киинин хаартыската
Бэҕэһээ Бибилэтиэкэ күнүгэр аналлаах үөрүүлээх мунньахха Иван Крафт аатынан Саха сирин баһылыгын бириэмийэтин лауреаттара наҕараадаланнылар.
Бу бириэмийэ сыл аайы бастыҥ бибилэтиэкэрдэргэ уонна бибилэтиэкэ үлэһиттэригэр, меценаттарга уонна попечителлэргэ туттарыллар. Ол туһунан СӨ Ил Дарханын уонна Бырабыыталыстыбатын пресс-сулууспата иһитиннэрэр.
«Эһиги бэйэҕит үлэҕитинэн устуоруйаны харайаҕыт. Өрөспүүбүлүкэ баһылыга олохтообут Иван Крафт аатынан бириэмийэтэ кырдьык бибилэтиэкэ үлэһиттэригэр үрдүк наҕарааданан уонна идэтийиилэрин билинии буолар», — диэн бэлиэтээтэ Бырабыыталыстыба Андрей Тарасенко.
«Попечитель уонна меценат» номинацияҕа бириэмийэ Бүлүү улууһун баһылыгар Сергей Винокуровка туттарылынна.
2021 с. улууска олохтоох бүддьүөттэн 567 кв.м иэннээх икки этээстээх таас дьиэ атыылаһыллыбыта, онно модельнай улуустааҕы киин бибилэтиэкэ уонна оройоуннааҕы оҕо бибилэтиэкэтэ киирбиттэрэ. 2022 с. 521 кв.м. иэннээх иккис куорпуһу аспыттара, онно өрөспүүбүлүкэҕэ суос-соҕотох уонна бастакы «Ыччакка аналлаах бибилэтиэкэ» баар.
«Сыл бастыҥ бибилэтиэкэтэ» номинацияҕа Наталья Речистер дириэктэрдээх Алдан оройуонунааҕы бөһүөлктэр икки ардыларынааҕы киин бибилэтиэкэ кыайыылааҕынан таҕыста. Бибилэтиэкэ 2021 с. «Култуура» национальнай бырайыакка муниципальнай модельнай бибилэтикэлэри тэрийиигэ РФ субъектарын куонкурустарыгар кыайыылааҕынан тахсыбыта.
«Сыл бастыҥ бибилэтиэкэрэ» номинацияҕа кыайыылааҕынан Мэҥэ Хаҥалас бөһүөлэктэр икки ардыларынааҕы бибилэтиэкэ систиэмэтин информационнай технология дириэктэри солбуйааччы Анна Петрова таҕыста. Кини «ИКТ компетентность современного библиотекаря» бырайыак уонна кинигэлэри уонна ааҕыыны тарҕатар «Автоматизация: Шаг за шагом» куурус ааптара. Итини таһынан кини 29 оройуоннааҕы уонна оҕо бибилэтиэкэлэрин филиалларын сайтарын оҥорбут.
Ил Дархан бириэмийэтэ өрөспүүбүлүкэҕэ бибилэтиэкэ дьыалатын судаарыстыба өттүттэн өйүүр уонна попечителлэри, меценаттары өйүүр сыаллаах олохтоммута.
Саха сиригэр пилота суох, тепловизордаах 35 аппараат көмөтүнэн ойууру кэтээн көрүүнү күүһүрдэллэр. Саха сиригэр ойууру кэтээн көрөргө…
Арҕааҥҥылар Украинаҕа быһаччы көмөлөһөр эбит буоллахтарына, биһиэхэ да син илии уунар ыаллыы дойдулаахпыт.
Ааспыт сууккаҕа Саха сиригэр түөрт буруйу оҥоруу тахсыбыта бэлиэтэммит. Бу туһунан СӨ Борокуратууратын пресс-сулууспата суруйар.…
Дьокуускайга 1 №-дээх полиция отделыгар икки киһи бэлисипиэттэрин уордарбыттарын туһунан сайабылыанньа суруйбуттар. Холуобунай ирдэбил үлэһиттэрэ…
Саха сирин социальнай көмүскэлин эдэр исписэлиистэрин кытта үөрэх сүлүөтүн иитинэн, бу салаа фундаментальнай сыаннастарын дьүүллэстилэр.…
Күн-дьыл туруга бу күннэргэ хайдаҕый? Өрөспүүбүлүкэ киин, соҕуруу, арҕаа улуустарыгар быстах ардахтаах, сорох сиринэн этиҥнээх.…