Иван Лапушкин хамаандатыгар үрүҥ көмүс мэтээли аҕалла

Бүгүн сарсыардаттан «Өрөгөй» успуорт уораҕайыгар самбо көрүҥэр күрэхтэһии саҕаланна. Үс көбүөрүнэн бастакы күн бүгүн 46, 53, 64 кг диэри ыйааһыннаах уолаттар, 41, 47 уонна 59 кг диэри ыйааһыннаах кыргыттар кытыннылар.

Эбиэт иннигэр Анастасия Шевченко Казахстантан сылдьар Эльнара Анарбеккызы кытары күөн көрсөн, тыҥааһыннаах кимэн киирсии кэнниттэн, биир баалынан баһыйан, хамаандатыгар боруонса мэтээли аҕалбыта.

Ол кэннэ уолаттарга 53 киилэҕэ Иван Лапушкин узбек уолун Хайдарбек Урагбаевы кыайан иккис миэстэни ылары ситистэ.

Онон бүгүн самбистарбыт ситиһиилэринэн Саха сирин хамаандата икки мэтээли ылла.

Иван ыйааһыныгар аҕыс спортсмен кытынна.  Кини финалга утарылаһааччыта Кайдарбек Уракбаев 5:0 ааҕыынан кыайда. Ол эрээри Иван Лапушкин Саха сирин хамаандатыгар бастакы үрүҥ көмүс мэтээли аҕалла.