Хаартыска: sakha.gov.ru
Өрөспүүбүлүкэтээҕи офтальмологическай клиническэй балыыһа кылаабынай бырааһа Иван Луцкан олунньу 27 күнүгэр В.А. Вонгродскай аатынан Дьокуускайдааҕы мэдииссинэ кэллиэһин преподавателлэрин кытта көрүстэ. Көрсүһүүгэ Аҕа дойду буойуттарын дьиэ кэргэттэрин кэмитиэтин Саха сиринээҕи салаатын Марина Бахилина кыттыыны ылла.
Преподавателлэри кытта кэпсэтиигэ Иван Луцкан доруобуйа харыстабылын сайыннарыыта дойду Бэрэсидьиэнэ Владимир Путин сүрүн соруктарыттан биирдэстэрэ буоларын бэлиэтээтэ. Судаарыстыба баһылыга дойду бары гражданнарыгар мэдииссинэ көмөтүн хаачыстыбатын уонна тиийимтиэ буолуутун хас да төгүл тоһоҕолоон бэлиэтээбитэ.
«Доруобуйа харыстабыла» национальнай бырайыагы олоххо киллэриинэн, эрэгийэннэргэ саҥа балыыһалары тутууга уонна хааччыйыыга, ону тэҥэ мэдиссинэ кэллисэтэрин уонна университеттары сайыннарыыга балачча үп-харчы көрүллэр.
Чуолаан, кэнники сылларга Дьокуускайга үс аныгы мэдииссинэ кииннэрэ тутуллубуттара — перинатальнай, кардиологическай уонна онкологическай. Ону таһынан Бүлүү уонна Таатта улуустарыгар саҥа оройуоннааҕы балыыһалар тутуллубуттара.
««Доруобуйа харыстабыла» национальнай бырайыак чэрчитинэн доруобуйа харыстабылын тиһигэр улахан болҕомто ууруллар — бу инфраструктураҕа, миэдиктэр хамнастарыгар уонна да атын хайысхаларга сыһыаннаах», — диэтэ Иван Луцкан.
Оттон Марина Бахилина анал байыаннай дьайыыга бэйэтин уопутун, дойдуларын көмүскүүр уолаттарын, ону тэҥэ аан дойду нэһилиэнньэтигэр көмөлөһүүгэ саха быраастара сүҥкэн оруоллаахтарын туһунан преподавателлэргэ кэпсээтэ.
«Мариуполь олохтоохторун кытта кэпсэппитим. Кинилэр саха миэдиктэригэр, бастатан туран, Иван Луцкаҥҥа доруобуйаларын чөлүгэр түһэриллэригэр улаханнык махтаналлар. Үгүс олохтоохторго уустук эпэрээссийэҕэ уонна эмтэниигэ үп-харчы тиийбэт этэ, ону саха быраастара кинилэргэ наадалаах көмөнү барытын босхо оҥорбуттара», — диэн бэлиэтээтэ Марина Бахилина.
Көрсүһүү түмүгэр кыттааччылар эрэгийэҥҥэ доруобуйа харыстабылын сайыннарыыга сыһыаннаах хас да ыйытыыны биэрдилэр. Иван Луцкан тиэмэни интэриэһиргиир преподавателлэргэ толору хоруйдары биэрдэ.
Бу күннэргэ Саҥа дьыл сүпсүлгэнэ саҕаланаары турар буолан, ас ырыынактарыгар испииһэк тутуурдаах дьон үксээбит. Өрүс…
“Дьоруойдар кэмнэрэ” бырагыраамаҕа кыттар сайаапкалары почтанан ылыы саҕаланна. Бу -- бырагыраама иккис түһүмэҕэ. Сайаапкалары билигин…
LETO куорат эйгэтин тупсаҕай оҥоруу киинэ Сэбиэскэй Сойуус Дьоруойа Федор Попов пааматынньыгын эскииһин оҥорууга күрэс…
Бу сыл ахсынньы 11 күнүгэр Былатыан Ойуунускай аатынан судаарыстыбаннас түмэлигэр киэн туттар биир дойдулаахпыт, комсомольскай,…
Филиппиныттан уонна Таилантан ахсынньы 14 күнүгэр ыытыллар «Вызов Севера» күрэхтэһиигэ кыттар боксердар бүгүн Дьокуускайга саамай…
Саха сиригэр анал байыаннай дьайыы кыттыылаахтарыгар уонна кинилэр дьиэ кэргэттэригэр анаан "Е-Якутия" порталга «Забота» электроннай…