Бу нэдиэлэҕэ Норуот сомоҕолоһуутун күнэ буолар. СӨ Офтальмологическай поликлиникатын кылаабынай бырааһа Иван Луцкан Норуот сомоҕолоһуутун бырааһынньыгынан эҕэрдэлээн туран, бу кэмнэргэ дойдуга судургута суох быһыы-майгы усулуобуйатыгар оруобуна 400 сыл анараа өттүнээҕи курдук, Арассыыйа норуота сомоҕолоһорун, бары күүһүн кыайыы туһугар түмэрин бэлиэтээтэ.
— Буола турар быһыыга-майгыга ким хайдах сыһыаннааҕыттан, барыта хас биирдиибититтэн улахан тутулуктаах. Норуот сомоҕолоһуутунан биһиги дойдубут күүстээх уонна эрэллээх. Алтынньы 4 күнүгэр эдэр эрээри, дириҥ историческай силистээх-мутуктаах Арассыыйа бар дьонун сомоҕолуур суолталаах бырааһынньыга бэлиэтэнэр. Бу күн түөрт үйэ анараа өттүгэр Минин уонна Пожарскай салалталаах норуот биир санаанан түмсэн, сомоҕолоһон Аҕа дойдуларын көмүскээбит күннэрэ. Аныгы кэмҥэ эмиэ ити курдук сомоҕолоһоммут, Украина Арассыыйа кыраныыссатын аттынааҕы сирдэригэр аҕыс сыл устатыгар атаҕастана-баттана олорор биир дойдулаахтарбытын ити баттабылтан босхолуур анал байыаннай эпэрээссийэҕэ кытта сылдьабыт.
Донбасска көмөҕө баран үлэлии сырыттахпына, босхо мэдиссиинэ өҥөтө суоҕун, төрөөбүт нууччаларын тылыттан кинилэри күүстэринэн украинскай тылга көһөрө сатаабыттарын туһунан дьон хомойон кэпсиир этэ. Билигин кинилэр бу босхоломмут сирдэр РФ састаабыгар киириилэрин бары үлэтэ түмүктэнэрин улахан эрэлинэн кэтэһэллэр.
Өрөспүүбүлүкэ бу эпэрээссийэҕэ көмөтүн тиһигин быспакка ыыта олорор. Ол курдук Кировскай куоратыгар биһиги, миэдиктэр, көмөҕө баран кэллибит. Онно араас өрүттээх мэдиссиинискэй көмөнү таһынан, икки тыһыынчаттан тахса консультациялары биэрдибит. Саха сириттэн быстах хомуурунан ыҥырыллан уонна тус баҕаларынан илиигэ саа тутан инники кирбиигэ барбыт эр дьоммутунан киэн туттабыт уонна этэҥҥэ эргиллэн кэллиннэр диибит.
Бу күннэргэ күн-дьыл туруга хайдаҕый? Күн-дьыл туругун кэтээн көрөөччүлэр туох диллэрий? Арктика кытылынан сорох сиринэн…
Хой Бу нэдиэлэҕэ күүстээх Меркурий эн бэлиэҕэр төннүөҕэ. Ону кытта ситиһии, табыллыы, баҕа санаа туолуута…
Арассыыйа олохтоохторо 2026 сылга мунньуллар биэнсийэлэриттэн 440 тыһыынча солкуобайы биир кэмнээхтик ылыахтарын сөп диэн РИА…
Дьокуускайга өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһин пленарнай мунньаҕын улуустартан уонна нэһилиэктэртэн кэлбит…
Киин куоракка икки күн устата өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһэ үгүс дьокутааты…
Ил Дархан туһаайан этиитигэр дьоҕус урбааны өйүүр боппуруоска болҕомтотун ууруо диэн, норуот дьокутаата, Ил Түмэн…