Хаартыска Иван Луцкан тиксэриитэ
Саха сириттэн ДНӨ тиийбит харах быраастарын биригээдэтин үлэтэ салҕанар.
Быраастар Кировскайтан ураты атын куораттарга эмиэ үлэлиир былааннаахтар. Ол иһигэр, Мариупольга. Бу туһунан брифиҥҥэ Кировскайтан бэҕэһээ, олунньу 17 күнүгэр, харах өрөспүүбүлүкэтээҕи килиниичэскэй балыыһатын кылаабынай бырааһа Иван Луцкан иһитиннэрдэ.
«ДНӨ бу өрөспүүбүлүкэтээҕи килиниичэскэй балыыһа быраастарын номнуо үһүс командировкалара. Кировскайтан сайаапканан манна хараҕы эпэрээссийэлиир хирурдар биригээдэлэрэ кэлбитэ. Бу күннэргэ харахха 200-тэн тахса эпэрээссийэ уонна 500-тэн тахса сүбэ-ама оҥоһулунна», — диэн этэр кини.
Иван Луцкан тиийбит биригээдэ туохтан да иҥнибэккэ үлэлиирин эттэ уонна снаряд бытархайдара түспүт ааннарын көрдөрдө. Оттон бу аан кэннигэр харах хирурдара ураты эпэрээссийэлэри оҥорон, куорат олохтоохторугар көмөлөһөллөр. Офтальмологтар биригээдэлэрэ ДНӨ кулун тутарга диэри үлэлиир былааннаах. Санатан эттэххэ, Ил Дархан Айсен Николаев ДНӨ көмөлөһөр туһунан соругу туруорбута.
Иван Луцкан манна эбэн, өрөспүүбүлүкэтээҕи офтальмологическай килиниичэскэй балыыһа Дьокуускайга үлэтин салгыырын, Саха сирин олохтоохторугар мэдиссиинэ көмөтө оҥоһулла турарын иһитиннэрдэ.
«Биһиги мобильнай биригээдэлэрбит өрөспүүбүлүкэбит улуустарыгар үлэлэрэ салҕанар. Бу күннэргэ биригээдэ Эбээн Бытантайтан кэлбитэ. Өссө биир бырааспыт Зырянкаҕа үлэлии сылдьар. Оттон кулун тутарга офтальмолог-хирурдар биригээдэлэрэ Мииринэй уонна Бүлүү бөлөх улуустарыгар барыахтара. Биһиги балыыһабытыгар уочарат суох, үлэ былаан быһыытынан салҕанар», — диэн бэлиэтээн эттэ.
СӨ Ил Дарханын уонна Бырабыыталыстыбатын пресс-сулууспата.
Бүгүн, сэтинньи 6 күнүгэр, Ю.А. Гагарин аатынан Култуура киинигэр фашизмы утары “Норуот уонна аармыйа түмсүүлээхтэр”…
2022 сылтан 6,2 тыһыынча киһи социальнай хантараак көмөтүнэн 1,7 миллиард солкуобай суумалаах көмөнү ылла. Быйылгыттан…
Киһи барыта баттаҕа хойуу, үчүгэй туруктаах, көстүүлээх буолуон баҕарар. Онуоха кэмиттэн-кэмигэр араас мааскалары оҥостуохха сөп.…
Барыллаан көрүүнэн, сэтинньи 5 күнүгэр киэһэ 18 чаас саҕана, Михаил Николаев проспегын – Чернышевскай уулуссатын…
Уус Алдан улууһугар Найахыга "Көр-нар" бөлөх кыттыылааҕа С.И.Сивцев сырдык аатыгар аналлаах "Артыыс Стас" диэн ыытыллыбыт…
Дьокуускайга сэтинньи 5 күнүгэр 18.00 ч. диэки 1983 с.т. киһи "Тойота Королла Филдер" массыынанан айаннаан…