Иван Луцкан РФ Бэрэсидьиэнин Бочуоттаах грамотатынан бэлиэтэннэ

РФ Бэрэсидьиэнин Владимир Путин бу сыл бэс ыйын 6 күнүнээҕи 163-рп №-дээх Ыйааҕынан, доруобуйа харыстабылын эйгэтигэр үтүө кылаатын уонна өр сыллаах үтүө суобастаах үлэтин иһин Өрөспүүбүлүкэтээҕи харах балыыһатын кылаабынай бырааһа, норуот дьокутаата Иван Луцкан РФ Бэрэсидьиэнин Владимир Путин Бочуоттаах грамотатынан наҕараадаланна.

Итини сэргэ РФ Бэрэсидьиэнин Владимир Путин Бочуоттаах грамотатынан үлэҕэ ситиһиилэрин уонна өр сыллаах үтүө суобастаах үлэтин иһин  СӨ Ил Дарханын уонна Бырабыыталыстыбатын дьаһалтатын салайааччыта Георгий Михайлов уонна СӨ Гигиена уонна эпидемиология киинин Нерюнгритааҕы филиалын кылаабынай бырааһа Татьяна Рубцова бэлиэтэннилэр.