Хаартыска: Иван Луцкан ТГ-ханаалыттан
Ил Дархан Айсен Николаев байыаннай дьайыы ыытыллар сиригэр оробуочай сырыытын кэмигэр, Саха сирэ шефтэһэр Донецкай Норуодунай Өрөспүүбүлүкэ Докучаевскай куоратыгар үлэлиир хирург-быраастарга офтальмология өрөспүүбүлүкэтээҕи балыыһатын исписэлиистэрэ холбостулар.
Бу туһунан эмчиттэр биригээдэлэрин салайааччыта, офтальмология өрөспүүбүлүкэтээҕи балыыһатын кылаабынай бырааһа Иван Луцкан санаатын этиннэ.
«Билэргит курдук, бу күннэргэ Донбасс территориятыгар ыытар үлэбитин ДНӨ баһылыга Денис Пушилин уонна Ил Дархан Айсен Николаев билсистилэр. Айсен Сергеевич Донецкай Норуодунай Өрөспүүбүлүкэҕэ мэлдьи сылдьар уонна олохтоохторго мэдиссиинэ, ону сэргэ гуманитарнай көмөнү оҥоруу боппуруостарыгар ураты болҕомтотун уурар.
Кини Донбасска хайдах усулуобуйаҕа үлэ ыытылларын бэйэтэ истэ-билэ, көрө сылдьар. Холобур, Саха сиригэр МРТ, КТ, лабораторнай чинчийиилэр ыытыллаллар. Оттон манна мэдиссиинэ тиһигэ үрэйиллэн, барытын чөлүгэр түһэриигэ хас эмэ сыл барыаҕа.
Айсен Сергеевич быраастары өйөөтө уонна саха быраастарын биригээдэтин үлэтин-хамнаһын үрдүктүк сыаналаата. Быраастарга махталын тиэртэ. Үгүс ыарыһахтар Ил Дарханы кытта кэпсэтиигэ Саха сирин олохтоохторугар сылаастык сыаһаннаһалларын уонна махталларын тиэрдлэллэр. Саха Өрөспүүбүлүкэтин Ил Дарханыгар мэдиссиинэҕэ ураты болҕомтотун уонна өйөбүлүн иһин махтанабын!,» – диэн Иван Луцкан ТГ-ханаалыгар суруйар.
Бүгүн Бүтүн Арассыыйатааҕы байыаннай-тактическай «Путь воина» күрэхтэһии саҕаланна. СӨ Бырабыыталыстыбатын Бэрэссэдээтэлин солуйааччы Ольга Балабкина «Путь…
Бүгүн Бүтүн Арассыыйатааҕы байыаннай-тактическай «Путь воина» күрэхтэһии аһылынна. Күрэхтэһиигэ Арассыыйа түөрт эрэгийиэниттэн: Хабаровскай кыраайтан, Волгоградскай…
Бүгүн «Энергетик» оҕо лааҕырын баазатыгар Бүтүн Арассыыйатааҕы байыаннай-тактическай «Путь воина» күрэхтэһии үөрүүлээх быһыыга-майгыга аһылынна. Күрэхтэһии…
Дьокуускайдааҕы полиция 2-с №-дээх отделын дьуһуурунай чааһыгар көмпүүтэрдиир кулууп бэрэстэбиитэлэ наушник уоруллубутун туһунан иһитиннэрбит. Бу…
Сорох социальнай ситимҥэ "Биир ньыгыл Арассыыйа" бэлитиичэскэй баартыйа балаҕан ыйын 14 күнүнээҕи быыбарга бэйэтигэр ылыммыт…
Оҕо ыалдьыбатын уонна уруоктар кэннилэриттэн сылайбатын туһуттан сөпкө аһыы-сии сылдьыахтаах. Үөрэнээччи күннээҕи аһылыгын рационун туһунан…