Өрөспүүбүлүкэтээҕи харах балыыһатын кылаабынай бырааһа Иван Луцкан салайааччылаах Саха сирин быраастарын биригээдэтэ Донецкай Народнай Өрөспүүбүлүкэ олохтоохторугар баҕа өттүнэн көмөлөһөр соруктаах барбыта.
Биригээдэҕэ, уопсайа, 10 исписэлиис баар: неврологтар, УЗИ исписэлиистэрэ, офтальмологтар, кардиологтар уонна эрэнгиэн-лабарааннар. Быраастар эрэгийиэн олохтоохторугар уонна байыаннай сулууспалаахтарга мэдиссиинэ көмөтүн оҥороллор диэн СИА иһитиннэрэр.
“Бириигээдэҕэ 10 исписэлиис баар. ДНӨ быраастары чопчу соруктаах хомуйбуттара. Ол эбэтэр манна тиийбэт исписэлиистэри ыҥырбыттара. Биһиги гражданскай нэһилиэнньэни уонна байыаннайдары көрүөхтээхпит. Офтальмология өттүгэр манна хаһан даҕаны ыытыллыбатах эпэрээссийэлэри оҥоруохпут”, — диэн кини бэлиэтиир.
Өрөспүүбүлүкэтээҕи харах балыыһатын кылаабынай бырааһа, ДНӨ уһуннук тиийи төрүөтүнэн логистиката уустугун ыйар. Крым муостатыгар ыксаллаах быһыы-майгы үөскээбитинэн сибээстээн, таһаҕас эбии кэккэ бэрэбиэркэлэри ааспыт. Мэдиссиинэ тэрилэ кэбирэх таһаҕастар кэккэлэригэр киирсэр, кыра да дьигиһийиини, илигирээһини, салгын хамсааһынын, ону тэҥэ, сылааһы билэр. “Биһиги бэйэбитин кытта микроскоптары, щелевай лаампалары, рецеркулятордары, харах эпэрээссийэтигэр туттуллар тэриллэри аҕалыахтаах этибит. Бу балтараа тыһыынчаттан тахса туонна туттуллар матырыйаал. Крым муостатыгар тахсыбыт быһылаантан сылтаан, эбии бэрэбиэрэкэлэри ыыппыттара. РФ Бэрэсидьиэнигэр Саха сирин бастайааннай бэрэстэбиитэлистибэтигэр уонна ДНӨ махталбын биллэрэбин, барыта табылынна”, — диэн Иван Луцкан кэпсиир. Быраастар командировкаҕа төһө уһуннук сылдьаллара биллибэт. Санатан эттэххэ, Саха сирин Ил Дархана Айсен Николаевтан исписэлиистэри ыытар туһунан ДНӨ Бырабыыталыстыбатын бэрэссэдээтэлэ көрдөспүтэ.
Саина ТИТОВА (СИА).
Хаартыска: Николай БОРИСОВ (СИА).
Саҥа дьыл бырааһынньыгын көрсө, Дьокуускай куорат биир биллиилээх эрэстэрээнэ үгэс буолбут «Саҕынньахтаах селедка» салааты саха…
Омугуттан тутулуга суох бэйэ төрөөбүт тылын билии — олох сүрүн ирдэбилэ. Ааһа баран, элбэх тылы…
Өрөбүл сарсыарда Дьокуускайга Каландаришвили уулуссаҕа турар икки этээстээх олорор дьиэҕэ баһаар тахсыбыт. Быһылаан тахсыбыт сириттэн…
Кыһын дьиэ үүнээйилэрэ мэлдьи эрэйдэнэллэр, сэбирдэхтэрэ саһарар уонна түһэр диэн «Ученый агроном» ханаал ааптара суруйар.…
Айсен Николаев Саха Өрөспүүбүлүкэтин Бастакы Бэрэсидьиэнин оскуолаларын ситимин сайыннарыы боппуруостарыгар мунньах ыытта. Көрсүһүүгэ бэрэсидьиэн оскуолаларын…
Кэлэн иһэр саргылаах Саҥа дьылы көрсө Үрүҥ Айыы сылынан (Кытай халандаарынан – Кыһыл ат сыла)…