Андрей Сорокин хаартыскаҕа түһэриитэ, ЯСИА
Өрөспүүбүлүкэтээҕи харах килиниичэскэй балыыһатын кылаабынай бырааһа Иван Луцкан Арассыыйа Бэрэсидьиэнин Ыйааҕынан Пирогов уордьанын ылар чиэскэ тигистэ.
Наҕарааданы бүгүн Иван Луцкаҥҥа Саха сирин Ил Дархана Айсен Николаев тутарда.
“Дойдубут Бэрэсидьиэнэ Владимир Владимирович Путин анаабыт наҕараадатын бүгүн туттум. Бу Донецкай Норуодунай Өрөспүүбүлүкэҕэ үлэм иһин Пирогов уордьанын биэрдилэр. Биллэн турар, бу мин наҕараадам эрэ буолбатах, офтальмологическай балыыһа улахан хамаандатын үлэтэ. Биһиги биригээдэбит байыаннай дьайыы зонатыгар куруук тиийэн үлэлиир. Миигин үөрэттэрбит, сайыннарбыт төрөппүттэрим наҕараадалара диэхпин эмиэ сөп. Саха сирин олохтоохторун туһугар өссө күүскэ үлэлиэҕим”, — диэн Иван Луцкан махтанна.
Иван Петрович Луцкан – мэдиссиинэ наукатын хандьыдаата, Саха Өрөспүүбүлүкэтин уонна Арассыыйа Федерациятын доруобуйа харыстабылын туйгуна. Быйыл сүүс сааһын туолбут балыыһаны 2020 сылтан салайар. Өрөспүүбүлүкэ бастыҥ мэдиссиинэ тэрилтэтинэн буолар, исписэлиистэрин үлэтин хаачыстыбатын сүрүн федеральанй кииннэр хайгыыллар. Быраастар эпэрээссийэ бары 95% көрүҥнэрин оҥороллор.
Быйыл балыыһаҕа саҥа эпэрээссийэлиир блогу уонна оҕо отделениетын аспыттара. Былырыын атырдьах ыйыгар катарактальнай уонна рефракционнай хирургия 40 куойката аһыллыбыта.
Нерюнгригэ Саха сирин соҕуруу өттүнээҕи офтальмологическай киинэ — өрөспүүбүлүкэтээҕи харах балыыһатын филиала арыллыбыта. Мобильнай биригээдэлэр күүскэ үлэлииллэр. 2022 с. эрэгийиэҥҥэ көһө сылдьар офтальмологическай комплекс үлэҕэ киирбитэ.
Донецкай Норуодунай Өрөспүүбүлүкэҕэ гуманитарнай миссияны толороллор. Кировскай куоракка балыыһа филиалын арыйбыттара. Иван Луцкан “ДНР үтүөлээх бырааһа” буолбута.
sakha.gov.ru
Хаарытска: Андрей Сорокин, ЯСИА
Сиһилии: https://www.sakha.gov.ru/news/17470
Бу күннэргэ Саха сирин улуустарыгар Төрөөбүт тыл уонна сурук-бичик күнүгэр анаммыт тэрээһиннэр салҕаналлар. Биир олус…
Бу үөрүүлээх күҥҥэ СӨ Бырабыыталыстыбатын Бэрэссэдээтэлэ Кирилл Бычков кыттыыны ылла. Гимназия устуоруйата 1990-с сыллар саҥаларыттан,…
Бэҕэһээ, Ийэ тыл, сурук-бичик күнүгэр, Киллэм култууратын дьиэтин үлэһиттэрэ ураты эҕэрдэлэринэн дьону соһуттулар уонна үөртүлэр.…
Бүгүн Уһук Илин тоҕус эрэгийиэнин сүүмэрдэммит хамаандаларын художественнай гимнастикаҕа бастыыр иһин күрэхтэһиилэрин үһүс күнэ Саха…
Төрөөбүт тыл уонна сурук-бичик күнүнэн Таатта улууһун Дьохсоҕон нэһилиэгэр “Саргыланнын-кынаттаннын сахам тылын кэрэтэ-кэрэмэһэ!” диэн өрөспүүбүлүкэ…
Бырабыыталыстыбаҕа Бүлүү бөлөх улуустарга уоту туһаныы кээмэйин диапазоннарын (тарыыптарын) хаттаан көрбүттэр. Сунтаар уонна Ньурба улуустарыгар…