Салгыы
Иван Максимов: «Бу өрөбүллэргэ урбаан пуорумугар ыйааҕы анаан дьүүллэһиэхпит»

Иван Максимов: «Бу өрөбүллэргэ урбаан пуорумугар ыйааҕы анаан дьүүллэһиэхпит»

29.03.2024, 21:58
Бөлөххө киир:

Ил Дархан Айсен Николаев  «СӨ туризмы уонна  олохтоох оҥорон таһаарыыны сайыннарыы»  диэн стратегическай ыйаахха   илии баттаата.

Кэлиҥҥи сылларга туризм хайысхатыгар тэтимнээх үлэни ыытар улууһунан Тымныы полюһунан аатырар  Өймөкөөн оройуона буолар. Баһылык э.т. Иван Максимов Ил Дархан саҥа ыйааҕар санаатын маннык үллэһиннэ:

Ыйаахха сурулларынан, 2030 сылга диэри туристар кэлиилэрэ 2023 сылы кытта тэҥнээтэххэ, үс төгүл улаатыахтаах. Бу соругу биһиги, туризмынан утумнаахтык дьарыктанар улуус олохтоохторо, ыытар үлэбит тосхолун курдук ылынабыт. Кэрэхсэбиллээҕэ баар, туризм уонна олохтоох оҥорон таһаарыы биир кэккэҕэ туран, сорук быһыытынан турбуттара буолар. Өймөкөөн улууһа бырамыысыланнаһынан, тыа хаһаайыстыбатынан, туризмынан биир тэҥник кэскиллээхтик сайдар улуус быһыытынан тарбахха баттанар. Ол курдук, таба уонна сылгы иитиитэ бу дьиэ сүөһүлэрин үөрдээн иитии хайысхатынан сайдаллар. Аан дойду бары куораттарыттан кэлэр туристарга олохтоох урбаанньыттарбыт бэйэ оҥорон таһаарар бородууксуйатынан, аһынан-үөлүнэн аһаталлар. Онон  минньигэс убаһа уонна таба этин, отон, үүт ас, булт аһын арааһын амсайан, Тымныы полюһа Өймөкөөн туһунан олохтоох бэйэ аһынан-үөлүнэн толору хааччынар  олус сайдыылаах оройуон курдук өйдөбүллээх дойдуларыгар төннөллөр. Ол да иһин үгүстэрэ иккистээн-үһүстээн дьыл кэмин уларыта сылдьан кэлэллэр. Онон Ил Дархан саҥа ыйааҕар ыйыллыбыт соруктары биһиги толоро сылдьабыт. Сүрүнэ диэн бу оҥорон таһаарыыбыт кээмэйин  улаатыннарыы буолар. Бу өрөбүллэргэ ыытыллар урбаанньыттар пуорумнарыгар ыйааҕы хайаан да дьүүллэһиэхпит, сонун сүүрээннэри, бырайыактары тобулан олоххо киллэриэхпит. 

+1
2
+1
0
+1
0
+1
0
+1
0
+1
0
+1
0
Бары сонуннар
Салгыы
19 апреля
  • 5°C
  • Ощущается: 2°Влажность: 42% Скорость ветра: 3 м/с

Сообщить об опечатке

Текст, который будет отправлен нашим редакторам: