Ойуур хаһаайыстыбатын федеральнай ааҕыныстыбатын салайааччы Иван Советников ойуур баһаарын сезонун мунньаҕын түмүгүнэн санаатын эттэ.
«Быйыл Саха сирэ баһаар сезонун, хаһааҥҥытааҕар даҕаны толору бэлэмнээх көрсөн эрэрин бэлиэтиэххэ наада. Биһиги бүгүн Саха Өрөспүүбүлүкэтэ баһаар сезонугар бэлэмин бэрэбиэркэлээтибит. Ол гынан баран Айылҕа ресурсаларын уонна экология миниистирэ Александр Козлов эппитин курдук, онтон сылтаҕыран холкутуйар сатаммат. Үгэс курдук, Саха Өрөспүүбүлүкэтигэр баһаар сезона дойду атын эрэгийиэннэриттэн хойутаан ыам ыйын иккис-үһүс нэдиэлэтиттэн саҕаланар. Биһиги мэлдьи балаһыанньа үчүгэй буоларыгар баҕарабыт, ол гынан баран куһаҕаҥҥа бэлэмнэнэбит. Хайдах буолуой диэн таайар уустук. Биһиги үлэбитин сүрүннүүр дойду Бэрэсидьиэнин ыйааҕа баар, онно кэккэ сыыппаралар бааллар, олору толоруохтаахпыт. Ааспыт сыллааҕы сыыппаралар үрдээбэттэригэр эрэниэхпитин баҕарабыт», — диэн эттэ кини.
Иван Советников итини таһынан губернатордар ойуур баһаара тахсар түгэнигэр тус эппиэтинэһи сүгэллэрин, ол туһунан ыйаахха сурулла сылдьарын эттэ.
«Бүгүҥҥү туругунан, Еврейскэй АУо ойуур баһаарын кыһалҕата баар, атын эрэгийиэннэри хонтуруолга тутан олоробут. Баһаар сезонугар бэлэмнэнии үлэлэрин бары эрэгийиэннэргэ бэрэбиэркэлиибит, хонтуруоллуубут», — диэн түмүктээтэ Ойуур хаһаайыстыбатын федеральнай ааҕыныстыбатын салайааччы Иван Советников.
Дьокуускайга Ойуунускай уулусса 20/1 дьиэтэ 45 сыллааҕыта тутуллубута. Саха Өрөспүүбүлүкэтигэр Элбэх кыбартыыралаах дьиэлэри хапытаалынайдык өрөмүөннээһин…
Социальнай ситимнэринэн Птицефабрика оройуонугар видео тарҕаммыт. Ролик ааптардара Дьокуускай таһыгар хаарга тыҥырахтаах атах суолун тыатааҕы…
Сэтинньи 4 күнүттэн Дьокуускайга элбэх оҕолоох ыаллар 1-11 кылаастарга үөрэнэр оҕолоро босхо айанныахтара. Ол туһунан…
Тэрээһиҥҥэ Жатайдааҕы суудунаны тутар тэрилтэ генеральнай дириэктэрэ Влад Михайлович Пермяков, Жатайдааҕы тиэхиньикум дириэктэрэ Владимир Иванович…
Бырабыыталыстыба Бэрэссэдээтэлэ Кирилл Бычков туһааннаах структуралары уонна тиэйээччилэри кытта мунньахха “Жатай-Төхтүр” туорааһынын түргэтэтэргэ соруйда. Билигин…
Бүгүн Дьокуускай куорат олохтоохторо Хомсомуол болуоссатыгар тоҕуорустулар. Манна үс күн устата, алтынньы 25-27 күннэригэр “Рыба…