Иван Ярыгин куубагар 20-тэн тахса саха бөҕөһө кыттыаҕа

Тохсунньу 23-26 күннэригэр Красноярскайга ыытыллар үгэскэ кубулуйбут норуоттар икки ардыларынааҕы турнирга Саха сирин хамаандатыгар сүүрбэттэн тахса спортсмен киирдэ.

Турнирга киирэр ирдэбили Лев Павлов, Никита Хабаров, Айсен Потапов, Албан Аввакумов, Артем Слепцов, Виктор Яковлев, Яков Павлов, Александр Авелов, Алексей Копылов аастылар. Андрей Мидловец уонна Владимир Бояновскай доруобуйаларын туругунан улахан суолталаах күрэхтэһиигэ кыттыбат буоллулар.

Маны таһынан эбии испииһэктэн өссө уон бөҕөһү хамаандаҕа киллэрэр былааннаахтар. Олор истэригэр Стас Свинобоев, Константин Капрынов, Олег Фомин, Василий Григорьев, Эдуард Попов уо.д.а.бааллар. Кыттарга хайаан да стартовай усунуос төлөнөр, диэн иһитиннэрэр Sportyakutia.ru.