https://t.me/triumphsakha
Тохсунньу 29 — олунньу 1 күннэригэр Красноярскай куоракка көҥүл тустууга сезон биир саамай сүрүн күрэхтэһиитэ “Иван Ярыгин Куубага-2026” ыытыллыаҕа.
Саха сириттэн 30 бөҕөс кыттыаҕа, диэн иһитиннэрэр Өрөспүүбүлүкэтээҕи сүүмэрдэммит хамаандалары успуорка бэлэмнээһин киинэ.
Кыайыылаах Европа Чөмпүйэнээтигэр барар путевканы ылыаҕа.
Саха сирин сүүмэрдэммит хамаандатын састаабыгар киирдилэр:
Лев Павлов — Иван Ярыгин Куубагын үрүҥ көмүс призера (2025), 23 саастарыгар диэри Европаҕа бастыыр иһин күрэхтэһии кыайыылааҕа (2025), 24 саастарыгар диэри Арассыыйаҕа бастыыр иһин күрэхтэһии боруонса призера (2025);
Артем Слепцов —Д.Г. Миндиашвили кэриэһигэр Бүтүн Арассыыйатааҕы күрэхтэһии кыайыылааҕа (2025);
Александр Авелов — Иван Ярыгин куубагын боруонса призера (2025), Арассыыйа чөмпүйэнээтин боруонса призера (2025);
Юлиан Григорьев — Д.Г. Миндиашвили кэриэһигэр Бүтүн Арассыыйатааҕы күрэхтэһии кыайыылааҕа (2025)
Константин Капрынов — Арассыыйа чөмпүйэнээтин үрүҥ көмүс призера (2025), Иван Ярыгин куубагын үрүҥ көмүс призера (2025)
Игорь Матвеев — Д.Г. Миндиашвили кэриэһигэр Бүтүн Арассыыйатааҕы күрэхтэһии кыайыылааҕа (2025);
Олег Фомин – 2025 сыллааҕы Дмитрий Коркин аатынан норуоттар икки ардыларынааҕы турнир кыайыылааҕа;
Ньургун Сергин – Дмитрий Коркин норуоттар икки ардыларынааҕы турнир кыайыылааҕа (2025), Арассыыйа чөмпүйэнээтигэр 5 миэстэ (2025), 2025 сыллааҕы “Байкал Опен” норуоттар икки ардыларынааҕы күрэхтэһии кыайыылааҕа (2025);
Никита Софронов – Д.Г. Миндиашвили кэриэһигэр Бүтүн Арассыыйатааҕы күрэхтэһии кыайыылааҕа (2025), Дмитрий Коркин аатынан норуоттар икки ардыларынааҕы турнир кыайыылааҕа (2025).
Атын спортсменнар эбии сайаапканан күрэхтэһиигэ кыттыахтара.
Саха сирин бөҕөстөрүгэр ситиһиилэри, чаҕылхай хапсыһыылары, кыайыыны-хотууну баҕарабыт!
Уопсастыба генеральнай дириэктэр “СӨ массыына суолун управлениета” тэрилтэ урукку салайааччытыгар тиксиһиннэрээччи нөҥүө улахан кээмэйдээх бэриги…
Силиэстийэ көрүүтүнэн, буруйданааччылар - уоллаах аҕа икки эр киһини көҥүл сылдьар бырааптарын кэһэн, кулут оҥосторго…
Олохо ойуун (ойуун диэни арҕаа эҥээр кылгастык ойун дииллэр) Ньурба улууһун Бастакы Бордоҥуттан (Маалыкайтан) түөрт…
Саха Өрөспүүбүлүкэтин Дьиэ-уот хомунаалынай хаһаайыстыбатын уонна энергетикаҕа министиэристибэтин 2025 сыл сэтинньи 21 күнүнээҕи 471 нүөмэрдээх…
Саха сирин кэккэ улуустарыгар сылаас салгын кэлэн халлаан -13 кыраадыска тиийиэҕэ диэн ЯСИА суруйар. Саха…
2026 сылга үктэнээт, тохсунньу саҥатыгар, Дьокуускай куоракка 1-кы гильдиялаах меценат-атыыһыт Ньукулай Кырбаһааҥкын сыдьааннара түмсэн, ааспыт…