Хаартыскалар robotrack-rus.ru ылылынна
Атырдьах ыйын 2-3 күннэригэр Соҕуруу Корея Тэджон куоратыгар «IYRC-2024» үөрэтэр робототехника аан дойдутааҕы күрэхтэһиитэ буолан ааста диэн «Роботрек» робототехническэй комплекс иһитиннэрэр.
Быйыл 20 дойдуттан (Корея, Кытай, Малайзия, Таиланд, Лаос, Арассыыйа, Казахстан, Бразилия, Индия, Алжир, Израиль, Ирак, Индонезия уо.д.а.) 1000-ча кэриҥэ оҕо кытынна.
Арассыыйа чиэһин бу аан дойдутааҕы күрэхтэһиигэ Саха сирин хамаандата – сэттэ оҕо уонна кинилэр педагог-тириэньэрдэрэ көмүскээтэ.
Биһиги оҕолорбут бу күрэхтэһиигэ ситиһиилээхтик кытыннылар. Биирдиилээн категорияҕа «Сафари» (5-8 саастаахтарга) абсолютнай Гран кыайыылааҕынан Нам улууһун Нам сэлиэнньэтин «Солнышко» уһуйаанын иитиллээччитэ Артур Самсонов буолла. Артур ону таһынан биирдиилээн «Боулинг» категорияҕа (5-8 саастаахтарга) кыһыл көмүс мэтээли ылары ситистэ. Оттон «Боулиҥҥа» үрүҥ көмүс призерунан Ньурба улууһун Малдьаҕар сэлиэнньэтин «Чуораанчык» оҕо уһуйаанын иитиллээччитэ Виктория Филиппова буолла. Боруонса мэтээли Горнай улууһун Бэрдьигэстээх сэлиэнньэтин «Кырачаан ымыылар» оҕо уһуйаанын иитиллээччитэ Николь боруонса ылла.
Оттон айар дьоҕур категорияҕа эмиэ Горнай улууһун Бэрдьигэстээх сэлиэнньэтин «Кырачаан ымыылар» оҕо уһуйаанын иитиллээччитэ Марк Заровняев уонна Ньурба улууһун «Аленушка» оҕо уһуйаанын иитиллээччитэ Валентин Егоров хамаандаларын састаабыгар кыһыл көмүс мэтээли ылары ситистилэр. Кинилэр «Эко-спасатели Севера» айар бырайыактара ойуур баһаардарыттан төрөөбүт айылҕаны харыстааһын туһунан.
ROBOTRACK робот-кэмпилиэктэри туһанан (Brain Development LLC, Санкт-Петербург оҥорор), оҕолор баһаарынай массыыналар уустук моделларын оҥорбуттар уонна ону көрдөрбүттэр. Сорох моделлар мэйии үлэтинэн хонтуруолланаллара, дьүүллүүр сүбэ аан дойдутааҕы экспертэрин өттүттэн ураты интэриэһи уонна болҕомтону тарпытын бэлиэтииллэр.
Бу аан дойдутааҕы күрэхтэһиигэ Саха сириттэн аан бастакытын үөрэнээччилэр волонтердаатылар. Дьокуускай куорат «Айыы кыһата» оскуолаттан Максим Кириллин уонна Ньурба улууһун Акана орто оскуолатын үөрэнээччитэ Аина Петрова «IYRC-2024» үөрэтэр робототехника аан дойдутааҕы күрэхтэһиитин волонтердарынан буоллулар.
От ыйыгар ГАИ үлэһитин тохтобулга ирдэбилин толорботох иһин ыстараап 12,5 төгүл үрдүөҕэ, ОСАГО полиһа суох…
От ыйын 1 күнүгэр Национальнай бэчээт күнэ бэлиэтэнэр. Бырабыыталыстыба дьиэтигэр сахалыы тыллаах көрдөрөр-иһитиннэрэр сириэстибэлэр үлэһиттэригэр,…
Саха сиригэр сыл саҕаланыаҕыттан байыаннай дьайыы 32 кыттыылааҕа уонна байыаннай сулууспалаахтар 85 дьиэ кэргэттэрин чилиэнэ…
Бу сыл тохсунньу 10 күнүгэр буруйдаах дьахтар Кырдьаҕастар уонна инбэлииттэр өрөспүүбүлүкэтээҕи интэринээт-дьиэлэрин дириэктэрин дуоһунаһыттан ууратыллыбыта.…
Бүгүн, от ыйын 1 күнүгэр, Саха сиригэр Национальнай бэчээт күнүн бэлиэтииллэр. Саха Өрөспүүбүлүкэтигэр Национальнай бэчээт…
Бүгүн халадьыыльныкка кимиэхэ барытыгар кэриэтэ баар бородууктанан мини-пиццалары астыыр ырысыабы кытта үллэстэбит. Пиццалар сыырдаах эбэтэр…