Изамира Семенова: «Үлэһиппит дьиэ кэргэнин өйүү, көмөлөһө сылдьабыт”

В.А. Петрова аатынан Ньурбатааҕы улуустар икки ардыларынааҕы инбэлииттэр уонна кырдьаҕастар интэринээт дьиэлэрин дириэктэрэ Изамира Федосьевна Семенова байыаннай эпэрээссийэҕэ кытта сылдьар үлэһиттэригэр көмөлөһүүгэ салайар кэлэктиибин сэмэй кылаатын туһунан кэпсээтэ.

— Кыайыы күнүн көрсө В.А. Петрова аатынан Ньурбатааҕы кырдьаҕастар уонна инбэлииттэр интэринээт дьиэлэрин кэлэктиибин эр дьоно байыаннай эпэрээссийэҕэ дойдутун көмүскүү сылдьар Дмитрий А., мас хайытан саһааннаан, кэллиэгэлэрин дьиэ кэргэнигэр улахан көмөнү оҥордулар. Санатан эттэххэ, ааспыт сылга эмиэ бу тэрилтэ эр дьоно икки массыына маһы хайытан, саһааннаан кыһыны эрэйэ суох кыстаатылар. Маны таһынан байыаннайдар дьиэ кэргэттэригэр 40 тахса үлэһиттэр кыттыылаах, 20.500 солк. харчынан көмө оҥоһулунна.

Ити курдук, бэйэлэрэ да кыаммат аҕам саастаахтары көрүү-харайыы ыарахан үлэтигэр сырытталлар, биһиги кэлэктииппит үлэһиттэрэ уустук кэмнэргэ көмөлөсүһэн, өйөнсөн эрэ сырыттахха, Кыайыы кэлиэ диэн бары биир киһи курдук турунан сылдьаллар.