Хаартыска: Доруобуйа харыстабылын министиэристибэтэ
2023 сыл 9 ыйдааҕы чахчытынан, Саха сиригэр доруобуйа харыстабылын салаатыгар 5235 быраас баарыттан 1875-һэ Оройуоннааҕы киин балыыһаларга үлэлиир. Мэдиссиинэ орто сүһүөх үлэһиттэрин ахсаана 11721 киһиэхэ тэҥнэһэр. Уопсайынан ыллахха, өрөспүүбүлүкэ быраастарынан — 78,4 %, мэдиссиинэ орто сүһүөх үлэһиттэринэн – 92,2 % хааччылынна.
Мэдиссиинэ салаатын каадырдарынан хааччыйарга социальнай өйөбүл араас дьаһаллара көмөлөһөллөр. Олортон биир көдьүүстээхтэринэн “Тыа сирин доктора/биэлсэрэ” бырагыраама буолар. 2012 сылтан бу бырагырааманан тыһыынчаттан тахса эмчит үлэлии сылдьар.
СӨ Доруобуйа харыстабылын министиэристибэтэ сыл аайы мэдиссиинэ каадырдарыгар төһө наадыйыы баарын быһаарар. Өрөспүүбүлүкэҕэ быраастары М.К.Аммосов аатынан ХИФУ-га, биэлсэрдэри уонна мэдиссиинэ сиэстэрэлэрин Дьокуускайдааҕы, Алданнааҕы, Нерюнгритааҕы мэдиссиинэ кэллиэстэригэр уонна Жатайдааҕы техникумҥа бэлэмнииллэр.
Үөрэҕи саҥа бүтэрбит эдэр исписэлиистэр үлэҕэ үөрүйэхтэнэллэригэр улахан көмөнү Доруобуйа харыстабылын министиэристибэтэ киллэрбит систиэмэтэ, ол эбэтэр балыыһаларга уһуйааччылары сыһыарыы көмөлөһөр.
Кинилэргэ сөптөөх усулуобуйаны оҥорорго, ол эбэтэр тупсаҕай дьиэнэн хааччыйарга муниципальнай оройуоннары кытары үлэ барар.
2023 сылга доруобуйа харыстабылын каадырдарынан хааччыйыы бырагырааматыгар 255 мөлүйүөн бэриллибитэ.
Санатан эттэххэ, Арассыыйа саҥа эрэгийиэннэригэр «Тыа сирин доктора» бырагыраамаҕа бэриллэр үбү: быраастарга 2 мөл. солк., биэлсэрдэргэ 1 мөл. солк. диэри улаатыннарыахтара. Бу туһунан РФ Бэрэсидьиэнэ Владимир Путин быһа эпиирин кэмигэр ахсынньыга иһитиннэрбитэ.
Ханнык баҕарар үүнээйи температура уларыйыытыттан, хаһыҥтан, олордор миэстэтин көһөрдөххө истириэстиир, уоҕурдууну ирдиир, маныаха биопрепараттары туһаналлар.…
Быйыл “Саха” НКИХ билигин “Тэтим” араадьыйанан биллэр Саха араадьыйата төрүттэммитэ 95 сыллаах үбүлүөйүн бэлиэтиир. Араадьыйаны…
Дьокуускай куоракка суол быһылааныгар киһи өлбүтүнэн холуобунай дьыалаҕа бириигэбэр таҕыста. СӨ Борокуратууратын иһитиннэриитинэн, Дьокуускай куорат…
Эрхаан «Кыайыы кынаттаах» альбомун бар дьонугар бэлэхтиир Юрий Платонов аатынан Эстрада тыйаатырын артыыһа, СӨ култууратын…
Сыллата халлаан лаппа сылыйбытын кэннэ сэтиэнэҕи уматыыттан баһаар ахсаана элбиир, ол улахан баһаарга тиэрдэр кутталлаах.…
ХОЙ Күн бэркэ саҕаланыа. Тугу санаабыккын барытын олоххо киллэрэн иһэр хорсун санааланыаҥ. Бары дьыалаҕа көхтөөхтүк…