Кабинаҕа кыбыллыбыт суоппары быыһаатылар

Нерюнгри оройуонугар быыһааччылар суол быһылааныгар эмсэҕэлээбит киһиэхэ көмөлөстүлэр.

Бүгүн, олунньу 6 күнүгэр, 06 ч. 30 мүн. Нерюнгри оройуонугар ЕДДС суол быһылааныгар түбэспит киһини көлөттөн босхолоон таһаарарга көмө наадатын туһунан иһитиннэрии киирбит.

Оптуобус иннигэр баран иһэр улахан массыынаҕа кэтиллибит, ол түмүгэр суоппар кабинаҕа кыбыллыбыт. Нерюнгри оройуонунааҕы көрдүүр-быыһыыр этэрээт быыһааччылара МЧС сотрудниктарын кытта  кабинаҕа кыбыллыбыт суоппары быыһаабыттар, салгыы суһал көмөҕө илдьибиттэр.