Кадастровай инженер сымыйа сибидиэнньэни биэрэн эппиэккэ тардылынна

Хаҥалас улууһун борокуратууратын бэрэбиэркэтин кэмигэр, олохтоох киһи улуус дьаһалтатыгар сир учаастагар олорор дьиэни туппутунан сибээстээн, бас билиигэ биэрэр туһунан сайабылыанньа киллэрбитэ быһаарыллыбыт.

Сайабылыанньатыгар Хамсаабат баай-дуол биир кэлим судаарыстыбаннай реестриттэн докумуону сыһыарбыт. Бу туһунан СӨ  Борокуратууратын пресс-сулууспата иһитиннэрэр.

Ол эрээри, чахчытыгар учаастакка олорор дьиэ ирдэбилигэр эппиэттээбэт, тутуллан бүтэ илик биир этээстээх кыра тутуу турбут. Олорор дьиэни регистрациялыыр төрүөтүнэн кадастровай инженер оҥорбут тэхиниичэскэй былаана буолбут. Онно кини гражданин көрдөһүүтүнэн, тутуллан бүппүт олорор дьиэ туһунан сымыйа сибидиэнньэлэри киллэрбит.

Итинэн сибээстээн, борокуруор уурааҕынан кадастровай инженер РФ Административнай кэһии туһунан Кодексатын 14.35-с ыстатыйатын 4-с чааһынан эппиэккэ тардылынна. Борокуруратуура муниципалитет баһылыгар сэрэтии биллэрбитинэн, гражданиҥҥа төрүөтэ суох учаастагы сокуону кэһэн бас билиигэ биэрии тохтотулунна.