Мииринэй улууһун дьаһалтатын пресс-сулууспата
Арассыыйа Дьоруойа Геннадий Трошев аатынан кадетскай интэринээт-оскуола иитиллээччилэрэ Кириэмил Баалыгар кыттыыны ылыахтара, диэн Мииринэй улууһун дьаһалтатын пресс-сулууспата иһитиннэрэр.
Ахсынньы 10 күнүгэр Москваҕа 3 400-тэн тахса кадет Норуоттар икки ардыларынааҕы 10-с үбүлүөйдээх Кириэмил аһымал Кадет Баалыгар мустуохтара. Бу тэрээһин дойду устуоруйатыгар кадеттар саамай бөдөҥ мустуулара буоларын быһыытынан, Арассыыйа рекордтарын кинигэтигэр киирдэ.
Баалга дойду араас эрэгийиэннэриттэн оҕолор кыттыахтара, ол иһигэр биһиги Кадетскай интэринээт-оскуолабыт иитиллээччилэрэ — үрдүкү кылаас кадеттара Роман Фотин, Ярослав Уткин, Рамазон Мисидиков, Рамиз Раджабов уонна «Эдем» үҥкүү устуудьуйатын икки кыыһа Елизавета Ащеулова, Полина Трифонова кыттыыны ылыахтара.
Тэрээһини тэрийээччилэр урукку көлүөнэлэр олохтообут үгэстэрин салгыыр суолталааҕын бэлиэтииллэр. Ону таһынан, маннык киэҥ далааһыннаах тэрээһин элбэх оҕону инникитин Ийэ дойдуга сулууспалыырга көҕүтүө диэн эрэнэллэр.
Баал бочуоттаах ыалдьыттарынан Сэбиэскэй Сойуус уонна Российскай Федерация Дьоруойдара, байыаннай дьайыы кыттыылаахтара, биллиилээх уопсастыбаннай, бэлитиичэскэй уонна итэҕэл диэйэтэллэрэ, тас дойдулар посольстволарын уонна консульстволарын бэрэстэбиитэллэрэ буолаллар.
Российскай Федерация Бэрэсидьиэнэ Владимир Владимирович Путин Бырайыак ыччаты патриотическайдык иитиини бөҕөргөтүүгэ, үгэс буолбут духуобунай-сиэрдээх сыаннастары иҥэриигэ, Российскай Федерация, урукку СНГ дойдуларын уонна биһиэхэ доҕордуу сыһыаннаах тас дойдулар ыччаттарын ортотугар култуурунай доҕордуу сибээстэри кэҥэтиигэ суолтатын үрдүктүк сыаналыыр.
Култуурунай бырагыраама чэрчитинэн баал кыттыылаахтара Российскай Федерация Сэбилэниилээх Күүстэрин Киин түмэлигэр уонна Кыайыы түмэлигэр сылдьыахтара.
Тохсунньу 25 күнүгэр Арчы дьиэтигэр өрөбүллээҕи Оһуокайбыт буолла. Бүгүҥҥү алгыстаах Оһуокай Сунтаар улууһугар ананна. Сунтаар…
600-тэн тахса киһи олорор Мытаах нэһилиэгэр “Аартык”, “Дүөдэ”, “Дьөлөккөн” түөлбэлэр бааллар. Күннэтэ олохпут уларыйар, сайдар…
Дьокуускай куорат 13 нүөмэрдээх оскуолатыгар Арассыыйаҕа Аҕа дойдуну көмүскээччи, Саха сиригэр Ийэ дойдуну көмүскээччи сылларын…
2025 сыллаахха олунньу саҥатыгар СӨ бырабыыталыстыбата өрөспүүбүлүкэҕэ 2030 сылга диэри туризмы сайыннарыы стратегиятын бигэргэппитэ. …
Үөһээ Бүлүү улууһун Өргүөт нэһилиэгин олохтоохторо байыаннай дьайыыга сылдьар хорсун буойуттарын өйүүллэр, кинилэр үтүө көмөлөрө…
Билии чыпчаалын баһылаабыттар ааттара билиннэ. "Кубок знатоков наслега" түмүктэннэ! Бу туһунан биһиэхэ Өспөхтөн бибилэтиэкэр Сайыына …